Brat biełaruskaj karalevy pryhažości trapiŭ u reanimacyju ŭ Azierbajdžanie
Pramysłovy alpinist Dźmitryj Čyčykaŭ trapiŭ u biadu ŭ zamiežžy. Padčas pracy ŭ Azierbajdžanie ź biełarusam zdaryŭsia niaščasny vypadak, paśla jakoha jon try miesiacy lažyć u reanimacyi. Siamja ŭ Biełarusi šukaje hrošy na lačeńnie.
Dźmitryj Čyčykaŭ — prafiesijny pramysłovy alpinist ź mižnarodnym siertyfikatam IRATA. Mužčyna pracavaŭ za miažoj.
Dniami Kaciaryna Čyčykava, žonka Dźmitryja, paviedamiła ŭ sacsietkach, što jaje muž znachodzicca ŭ ciažkim stanie ŭ balnicy. Usio praz toje, što 20 červienia ź Dźmitryjem zdaryŭsia niaščasny vypadak, ad jakoha jon dahetul nie moža ačuniać. Pierakuliłasia aŭtavyška — mašyna z padjomnaj strałoj i lulkaj, u jakoj ludzi pracujuć na vyšyni.
«Jon i jaho naparnik upali z vyšyni 18 mietraŭ, naparnik zahinuŭ. Dzima vyžyŭ i ciapier znachodzicca ŭ ciažkim stanie — jamu treba lačeńnie i reabilitacyja, pry tym što jon znachodzicca ŭ inšaj krainie», — piša Kaciaryna.
Paźniej žonka Dźmitryja raskazała bolej pra jaho stan:
«Na hety momant jaho stan aceńvajuć jak stabilna ciažki. U jaho paškodžany mozh i ŭžo było try apieracyi na hałavie. Daktary zrabili ŭsio mahčymaje, stabilizujuć jahony stan, i ciapier treba prosta čakać. Dzima prychodzić u prytomnaść, reahuje na svajo imia, ale čaściej śpić».
Kaciaryna apublikavała ŭ instahramie numar dabračynnaha rachunku, praź jaki źbiraje dapamohu na lekavańnie muža. Taksama jana dałučyła da pasta fota daviedki, dzie pieraličanyja dyjahnazy Dźmitryja i asnoŭnyja miedyčnyja manipulacyi, praź jakija jon prajšoŭ. Pavodle toj daviedki,
Dźmitryj atrymaŭ ciažkija traŭmy hałavy i hrudnoj kletki: šmatlikija pierałomy čerapa i rebraŭ, paškodžańni abodvuch lohkich.
Dźmitryj — brat Alaksandry Čyčykavaj, pieramožcy konkursu «Mis śvietu na vazku» ŭ 2017 hodzie. Paśla finału konkursu jon pisaŭ u svaim profili «Ukantakcie»:
«Ślozy radaści na vačach. Maja siastryčka atrymała tytuł «Mis śvietu 2017»!»
«Naša Niva» — bastyjon biełaruščyny
PADTRYMAĆCiapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo9
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary