Pa studenckich internatach u Minsku praviali raptoŭny rejd z aŭčarkaj
25 vieraśnia supracoŭniki milicyi i prakuratury praviali raptoŭnuju pravierku internataŭ navučencaŭ u Kastryčnickim rajonie Minska, paviedamlaje ahienctva «Minsk-Naviny».
Rejd prajšoŭ u miežach prafiłaktyčnaj akcyi «Rabi pravilny vybar». Pravieryli internaty Minskaha dziaržaŭnaha miechanika-technałahičnaha kaledža i Mižnarodnaha ŭniviersiteta «MITSA».
Asnoŭnaj metaj pravierki, jak zajaŭlajecca, była prafiłaktyka pravaparušeńniaŭ siarod moładzi, vyjaŭleńnie mahčymych vypadkaŭ niezakonnaha abarotu narkotykaŭ i viejpaŭ, a taksama kantrol za vykanańniem pravił pražyvańnia ŭ internatach.
Pamiaškańni internataŭ ahledzieŭ kinołah sa słužbovym sabakam pa mianušcy Tor. Sabaka abniuchvaŭ miescy, dzie mahli znachodzicca zabaronienyja rečyvy. Siłaviki zajavili, što sabaki zdolnyja znachodzić narkotyki navat pa vielmi słabym pachavym śledzie.
Padčas ciapierašniaj pravierki zabaronienych rečyvaŭ, jak paviedamlajecca, nie vyjavili. U hetym navučalnym hodzie heta ŭžo druhaja pravierka internataŭ.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary