«Z vadoj lacieła kamieńnie. Usie padłohi zatapiła». Jak vyhladaje kvatera na Žukoŭskaha, u jakoj vadoj vybiła vokny VIDEA
Vidavočcy kažuć, što avaryjnaja słužba pryjechała tolki praz paŭhadziny.
Žychary doma na Žukoŭskaha pakazali, jak vyhladaje kvatera znutry paśla taho, jak vada z prarvanaha trubapravoda raźbiła vokny.
Padłohi ŭ kvatery zatapiła.
«Całkam akno vybiła vadoj. Usie dyvany pavykidali. Usio mokraje», — raskazała aŭtarka videa.
Pavodle jaje słoŭ, na ramach źjavilisia raskoliny. A strumień vady z trubapravoda nios z saboj i kamieńnie.
Vidavočca raskazała «Anłajnieru», što vokny vybiła ŭ kvaterach z 2‑ha pa 5‑y pavierch. A avaryjnaja słužba nie śpiašałasia na miesca nadzvyčajnaha zdareńnia.
«Zatopleny kvatery, padjezd i sama vulica Žukoŭskaha. Z momantu pieršaha zvarotu avaryjnaja słužba prybyła na miesca tolki praz paŭhadziny», — raskazała dziaŭčyna.
Jak paviedamili ŭ «Minskenierha», vykid vady ŭdałosia spynić u 13:05.
Raboty na ŭčastku ŭ rajonie vulicy Žukoŭskaha praciahvajucca. Užo zavieršany etap adpampoŭvańnia vady ź ciepłavoj kamiery. Ciapier enierhietyki prystupili da ziemlanych rabot — raskopvajuć učastak dla dakładnaha vyznačeńnia miesca paškodžańnia trubapravoda.
Pryčyny praryvu pakul nieviadomyja. Paśla avaryi na ciepłasietkach u Minsku pa dziasiatkach adrasoŭ adklučyli haračuju vadu.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt5
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
paru hadoŭ tamu ciahnusia z pracy dadomu.. leta.. žara.. jak raptam baču - o. "fantan".. pram la samaha žesa.. a pa leśvicy (tam u nas narmalnaja takaja leśvica) ściakaje pram niaharski vadaspad.. dumaju - nu. peŭna ž u słužby ŭžo pazvanili, ale.. na ŭsiaki pažarny, dumaju, pazvaniu i ja..
telefanuju. kažu tak i tak.. i trochi źviniajučysia kažu - ale vam peŭna ŭžo pazvanili? nie. - kaža dziaŭčyna. - vy pieršaja. a nu.. - usie peŭna na dačach.. - niby vybačajučy ludziej, kažu..
a tam potym bolš za paŭhoda pierakopana ŭsio było.. katłavan.. budaŭničaja technika.. i ŭsio takoje.. to bok prarvało dyk prarvało.. a ŭsim, byčycie, pofih. nie va ŭłasnaj chacie ž... to mabyć tak i treba