Kala avijabazy ZŠA ŭ Brytanii zatrymali niekalki čałaviek praz vybuchoŭku, miascovych žycharoŭ evakujavali
U brytanskim Uełfardy evakujavali žycharoŭ damoŭ kala avijabazy RAF Fairford, dzie raźmiaščajucca amierykanskija vajskoŭcy i bambardziroŭščyki. Niekalkich mužčyn zatrymali pavodle padazreńnia ŭ złačynstvach, źviazanych z vybuchovymi rečyvami, paviedamlaje BBC.
Zatrymańnie adbyłosia ranicaj u niadzielu, 27 vieraśnia. Paśla hetaha palicyja abviaściła pra bujny incydent, ačapiła častku pasielišča, a ludziej ź niekalkich damoŭ pieravieźli ŭ spartyŭny centr.
Aŭtamabili praviarajuć vajskovyja śpiecyjalisty pa abiasškodžvańni vybuchoŭki. Na miescy sabralisia značnyja siły ekstrannych słužbaŭ, u tym liku miedycynskaja hrupa, padrychtavanaja dla pracy ŭ niebiaśpiečnych umovach.
Palicyja zajaviła, što situacyja znachodzicca pad kantrolem.
Što mienavita mahli znajści ŭ zatrymanych abo ŭ aŭtamabilach, pakul nie paviedamlajecca. Taksama aficyjna nie paćvierdžana, što zdareńnie niepasredna źviazana z avijabazaj.
RAF Fairford vykarystoŭvajecca dla raźmiaščeńnia amierykanskich bambardziroŭščykaŭ paśla pačatku kanfliktu ZŠA ź Iranam 28 lutaha. U sakaviku na bazu prylacieli čatyry bambardziroŭščyki ZŠA — paśla taho, jak tahačasny premjer-ministr Vialikabrytanii Kir Starmier dazvoliŭ vykarystoŭvać brytanskija bazy dla abarončych apieracyj suprać iranskich rakietnych abjektaŭ.
Pradstaŭnik VPS ZŠA zajaviŭ, što amierykanski piersanał na RAF Fairford «zachoŭvaje pilnaść». Pry hetym vajskoŭcy admovilisia raskryvać kankretyku, spasłaŭšysia na apieracyjnuju biaśpieku.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii15
Kamientary
Palicyja zrazumieła, zakryła lubyja dadzienyja dla miedyja.
Ale ž jak viadoma, u Brytanii navat mižnarodnym terarystam dajuć hramadzianstva i prava na ananimnaść na 100 hadoŭ. A potym pahražajuć žyćciu žurnalistam, jakija heta ŭskryvajuć.
Raptam siońnia źjavilisia celnyja aŭtobusy "antyfašystaŭ" kala bazy, jakija stali pieraškadžać ekśpiertam i nazyvać palicyju ... pravilna "fašystami".
Što i patrabavałasia dakazać.