Vy nikoli nie zdahadajeciesia, kuchnia jakoha naroda nahadała błohieru Leanidu Paškoŭskamu stravy ź biełaruskaj vioski
«Biełarusa zaniesła ŭ pravilnaje miesca», — pažartavaŭ aŭtar papularnaha jutub-kanała «Chaču dadomu».
Treveł-błohier Leanid Paškoŭski, aŭtar papularnaha jutub-kanała pra vandroŭki «Chaču dadomu», u novym vypusku raspavioŭ pra hastranamičnyja adkryćci ŭ Katmandu — stalicy Niepała.
Vialikim siurpryzam dla jaho stała, što niekalki tradycyjnych stravaŭ niepalcaŭ vielmi padobnyja pa smaku da biełaruskich dranikaŭ i varenikaŭ.
«Biełarusa zaniesła ŭ pravilnaje miesca», — paśmiajaŭsia Leanid.
Aładki z sačavicy ŭ Niepale nazyvajucca bara. Heta papularnaja strava, jakuju i nabyvajuć jak stryt-fud, i hatujuć doma. Što cikava, dadatkam da aładak mohuć iści kavałki bulby, abvalenyja ŭ vostrych śpiecyjach. A taksama tak zvany papkorn z soi — sojevyja šaryki ŭ sousie.
«Dranik jon i ŭ Niepale dranik. Chrumstki ŭnutry, dalikatny ŭsiaredzinie. Afihienna smačna, tamu što heta ŭ maim DNK. Mnie hetaha vielmi brakavała», — prakamientavaŭ błohier. Adznačyŭšy, praŭda, što zamiest sojevych katletak z zadavalnieńniem naviarnuŭ by z dranikami śmiatany.
Što tyčycca tradycyjnaha niepalskaha desiertu «jomary», to jon užo kančatkova pahruziŭ žłobinca ŭ nastalhiju pa dziacinstvie ŭ babuli.
«Chłopcy, heta realna varenik! Z tvarahom, krychu zapiečanym. Ja ŭ šoku — ja nie razumieju, ja ŭ Niepale ci ŭ biełaruskaj vioscy. Mnie chočacca prahłynuć jaho adrazu, jak i dranik, bo ja nibyta znoŭ apynuŭsia doma. Ja nie čakaŭ, što ŭ niepalcaŭ tak šmat supolnaha ź biełarusami», — nie chavaŭ emocyj videabłohier. «Dziakuj, boža, što pryvioŭ mianie siudy! Ščaściu niama miažy».
Ciesta takich paravych piražkoŭ robicca z rysavaj muki. Unutry ž jany napaŭniajucca małočnym zaparnym kremam ź jajek.
Darečy, jajki ŭ Niepale doŭhi čas zastavalisia simvałam bahaćcia, bo byli ŭ deficycie i kaštavali vielmi doraha. Zrešty, da hetaha času ŭ mnohich siemjach ich padajuć da stała jak ščodry pačastunak dla haściej.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt11
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary