Ad 49 kapiejek da 2 rubloŭ — kolki siońnia kaštuje kiłahram bulby ŭ Minsku
Jašče niadaŭna za kiłahram bulby ŭ kramie davodziłasia addavać bolš za rubiel. Ciapier na ceńnikach usio čaściej źjaŭlajecca ličba 0 u pačatku. «Minskaja praŭda» pahladzieła, kolki siońnia kaštuje bulba na rynkach i ŭ kramach Minska i dzie jaje možna nabyć asabliva vyhadna.
49 kapiejek za kiłahram
Samaja biudžetnaja prapanova ŭ horadzie znajšłasia ŭ kramie niepadalok ad rynku «Rakaŭski kirmaš». Tut kiłahram bulby pradajuć usiaho za 49 kapiejek. Praŭda, na ceńniku jość ścipłaje ŭdakładnieńnie: «Ucenka», ale sama harodnina vyhladaje całkam prystojna: kłubni ćviordyja, choć i nievialikija.
Zrešty, ścipły pamier całkam moža akazacca pieravahaj. Takaja bulba vydatna padydzie dla zapiakańnia całkam abo pryhatavańnia inšych straŭ, u jakich drobnyja kłubni vyhladajuć asabliva apietytna. A za paru kiłahramaŭ daviadziecca zapłacić mienš za rubiel.
Na rynku ceny trymajucca
Na minskich rynkach situacyja bolš zvykłaja. Za bujnuju adbornuju bulbu ŭłasnaha zboru pradaŭcy prosiać ad 1,20 da 2,20 rubla za kiłahram. Tut pakupnik płacić nie tolki za harodninu, ale i za mahčymaść atrymać bujnyja kłubni z prystojnym źniešnim vyhladam.
Svoj cenavy aryjencir jość i ŭ bulby «Smačnaja» kala stancyi mietro «Praletarskaja». Tut za kiłahram prosiać 2 rubli, ale bulba ŭžo rasfasavanaja pa pakietach, tamu pakupniku zastajecca tolki ŭziać hatovuju ŭpakoŭku. Vybrać asobnyja kłubni i acanić ich stan da pakupki nie atrymajecca. Za zručnaść fasoŭki davodzicca raspłačvacca adsutnaściu vybaru.
Tym, chto zakuplajecca napierad, varta źviarnuć uvahu na aptovyja prapanovy. Na rynku «Tabary» bulbu možna znajści pa 70—80 kapiejek za kiłahram, ale taki ceńnik dziejničaje pry kupli ad adnaho vialikaha miaška. Tak što dla siamiejnych zapasaŭ rynak pa-raniejšamu zastajecca adnym z varyjantaŭ ekanomii.
Vyhadnaja ździełka kala doma
Za vyhadnaj pakupkaj siońnia nieabaviazkova adpraŭlacca na rynak. Supiermarkiety taksama ŭklučylisia ŭ baraćbu za pakupnika i prapanujuć bulbu pa davoli pryvabnych cenach.
U siarednim kiłahram bujnoj bulby ŭ sietkavych kramach možna znajści pa canie ad 75 kapiejek.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary