Upieršyniu z 2022 hoda ministr zamiežnych spraŭ Hiermanii sustreŭsia z Łaŭrovym
Ministr zamiežnych spraŭ Hiermanii Johan Vadeful asabista sustreŭsia sa svaim rasijskim kaleham Siarhiejem Łaŭrovym. Pieramovy adbylisia 26 vieraśnia ŭ Ńju-Jorku na palach Hienieralnaj asamblei AAN. Sustreča prachodziła za začynienymi dźviaryma biez žurnalistaŭ, piša Deutsche Welle.
Jak paviedamlaje ahienctva AFP, heta była pieršaja asabistaja sustreča kiraŭnikoŭ źniešniepalityčnych viedamstvaŭ Hiermanii i Rasii paśla pačatku poŭnamaštabnaha rasijskaha ŭvarvańnia va Ukrainu ŭ 2022 hodzie.
Pavodle infarmacyi rasijskaha «Intierfaksa», pieramovy praciahvalisia 22 chviliny. Pradstaŭnica MZS Rasii Maryja Zacharava zajaviła, što sustreča adbyłasia pa inicyjatyvie niamieckaha boku. Pavodle TASS, pierad pieramovami niamieckaja delehacyja paprasiła abmiežavać dostup žurnalistaŭ i nie vieści zapis ustupnych zajaŭ.
Paśla sustrečy Vadeful i Łaŭroŭ pavinny byli vystupić pierad delehatami Hienieralnaj asamblei AAN.
Pradstaŭnik niamieckaha MZS paviedamiŭ AFP, što Vadeful padčas razmovy zaklikaŭ Maskvu «admovicca ad niebiaśpiečnaha šlachu eskałacyi» ŭ dačynieńni da Hiermanii, Jeŭropy i NATA. Pavodle niamieckaha boku, ministr taksama zajaviŭ, što incydenty kštałtu niadaŭniaj sproby zrabić vybuch u aeraporcie Lejpcyha, u jakoj Bierlin abvinavaciŭ Rasiju, a taksama inšyja hibrydnyja ataki nie paŭpłyvajuć na rašučaść Hiermanii padtrymlivać Ukrainu.
Niamiecki bok taksama asudziŭ rasijskija ataki na cyvilnaje nasielnictva Ukrainy. Nienazvany dypłamat zajaviŭ, što hetyja dziejańni nie źmianiajuć pazicyi Hiermanii.
Papiaredniaja asabistaja sustreča kiraŭnikoŭ MZS Hiermanii i Rasii adbyłasia ŭ studzieni 2022 hoda. Tady kiraŭnica niamieckaha MZS Annalena Bierbok sustrełasia z Łaŭrovym mienš čym za miesiac da pačatku poŭnamaštabnaha rasijskaha ŭvarvańnia va Ukrainu.
Na sioletniaj Hienieralnaj asamblei AAN Hiermaniju pradstaŭlaje Vadeful zamiest kanclera Frydrycha Mierca. Mierc nie pajechaŭ u Ńju-Jork na fonie ŭnutrypalityčnaha cisku paśla niaŭdałych dla jaho Chryścijanska-demakratyčnaha sajuza vynikaŭ vybaraŭ u niekalkich fiederalnych ziemlach.
Siarod asnoŭnych tem ahulnych debataŭ Hienieralnaj asamblei AAN u hetym hodzie — vajna Rasii suprać Ukrainy, vajna pamiž ZŠA i Iranam, a taksama ryzyki, źviazanyja z raźvićciom štučnaha intelektu.
Łaŭroŭ čarhovy raz papiaredziŭ Jeŭropu
Francyja pracisnuła rašeńnie ab źniaćci sankcyj z Usmanava i Frydmana
«Užo hod žyli b biez vajny». Łaŭroŭ abvinavaciŭ ZŠA i Jeŭropu ŭ tym, što vajna va Ukrainie zaciahnułasia
Kiraŭnik MZS: Hiermanija choča pakłaści kaniec vajnie va Ukrainie i paspryjać viartańniu ŭkrainskich mužčyn na radzimu
U AAN 50 krain i ES zaklikali Rasiju da prypynieńnia ahniu. ZŠA nie dałučylisia, Rasija admachnułasia
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
>Dy niemcy z rasijcami zaŭždy tolki na publiku niby vorahi
A biełarusy zatoje ščyryja - navat na publiku nie chavajuć lubvi da ŭschodnich bratoŭ