«U jakaści napaŭnialnika było sabrana najlepšaje biełaruskaje łuhavoje siena».
Biełaruski dyzajnier Jahor Ždanovič zrabiŭ puchavik, napoŭnieny łuhavym sienam. Kurtka pašytaja z prazrystaj plonki, tamu jaje napaŭnieńnie całkam bačnaje. U kamientaryjach dyzajnieru rajać zapatentavać vynachodku, «kab nie skrała Balenciaga».
«Ja zrabiŭ samy tanny puchavik u śviecie. Z naturalnaha materyjału», — napisaŭ Ždanovič, pakazvajučy novuju kurtku.
«U jakaści napaŭnialnika było sabrana najlepšaje biełaruskaje łuhavoje siena», — havorycca ŭ apisańni.
Vierch kurtki zrobleny sa ščylnaj prazrystaj PVCH-plonki, jakaja dobra trymaje formu. Pavodle dyzajniera, puchavik nastolki ćviordy, što moža samastojna «stajać» na ziamli. Jon maje abjomny siłuet, mietaličnuju furnituru i zdymny kapiušon na małancy.
Niahledziačy na słovy pra «samy tanny puchavik», jon kaštuje kala $600. Zamović kurtku možna na sajcie dyzajniera. Termin vyrabu — ad 14 da 21 dnia.
Ždanovič papiaredžvaje, što reč nie padychodzić dla štodzionnaha našeńnia i jaje nielha myć u pralnaj mašynie. Puchavik pazicyjanujecca jak art-abjekt.
Raniej Jahor Ždanovič užo vypuskaŭ chudzi ź miaškoŭ dla bulby z nadpisam «Paleśsie». Jano kaštavała 250 rubloŭ, kałołasia, praśviečvała i taksama nie pryznačałasia dla štodzionnaha našeńnia.
Jašče adnym jaho biznes-prajektam byŭ zvyčajny kamień z Naračy z hraviroŭkaj, źmieščany ŭ dyzajnierskuju škatułku. Ždanovič sprabavaŭ pradać jaho za $2000.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»12
Kamientary