Inicyjatyva ŭźnikła paśla sieryi hibrydnych atak u Jeŭropie, u jakich miascovyja ŭłady zapadozryli rasijskuju vajennuju raźviedku.
U Jeŭrapiejskim sajuzie abmiarkoŭvajuć uklučeńnie Hałoŭnaha ŭpraŭleńnia Hienieralnaha štaba Uzbrojenych sił Rasii, viadomaha jak HRU, u śpis terarystyčnych arhanizacyj. Pra heta paviedamiŭ redaktar jeŭrapiejskaha biuro «Radyjo Svaboda» Rykard Joźviak. Padrabiaznaściaŭ jon nie pryvioŭ.
Inicyjatyva ŭźnikła paśla sieryi hibrydnych atak u Jeŭropie, u jakich miascovyja ŭłady zapadozryli rasijskuju vajennuju raźviedku, piša Moscow Times.
Tak, u pačatku vieraśnia Hiermanija ŭskłała na HRU adkaznaść za padrychtoŭku dyviersii z vykarystańniem bieśpiłotnikaŭ z vybuchoŭkaj u aeraporcie Lejpcyha. U miežach rasśledavańnia byŭ zatrymany Aleh Ł., jaki, pavodle danych niamieckich pravaachoŭnikaŭ, maje niepasrednaje dačynieńnie da hetaj struktury Ministerstva abarony RF.
U svaju čarhu kiraŭnica Jeŭrakamisii Ursuła fon der Lajen zajaviła, što sproba dyviersii ŭ Lejpcyhu «znamienuje novuju stupień eskałacyi na jeŭrapiejskaj ziamli» z boku Rasii. Jana nazvała toje, što adbyłosia, častkaj sieryi ŭsio bolš niebiaśpiečnych incydentaŭ, siarod jakich — parušeńnie pavietranaj prastory, zboi ŭ pracy aeraportaŭ z-za dronaŭ i ŭmiašańnie ŭ krytyčnuju infrastrukturu ES. U suviazi z hetym fon der Lajen padkreśliła, što sajuz praciahnie padtrymlivać Ukrainu i ŭzmacniać sankcyjny cisk na Rasiju.
Uklučeńnie HRU ŭ terarystyčny śpis ES paciahnie za saboj zamarožvańnie aktyvaŭ i zabaronu pradastaŭlać jamu srodki abo ekanamičnyja resursy. Ciapier u hetym pieraliku znachodziacca 13 fizičnych asobaŭ i 23 arhanizacyi, u tym liku iranski Korpus vartavych isłamskaj revalucyi, Isłamskaja dziaržava i «Al-Kaida».
Siarod takich dyviersij krynicy nazyvali padpał na pradpryjemstvie Milrem Robotics u Estonii, pažar na zavodzie pa vytvorčaści bieśpiłotnikaŭ u Čechii ŭ sakaviku, sprobu padpału fabryki ŭ Litvie, jakaja vypuskaje radyjočastotnyja skaniery dla Ukrainy, a taksama vybuchi na zavodach pa vytvorčaści bojeprypasaŭ u Bałharyi i Italii ŭ žniŭni.
Pavodle słoŭ surazmoŭcaŭ vydańnia, dla praviadzieńnia dyviersij Rasija vierbuje členaŭ miascovych złačynnych hrupovak, pieravažna praź miesiendžary, i raźličvajecca ź imi kryptavalutaj.
-
U sanatoryj pad Maładziečnam zavieźli na lačeńnie «vieteranaŭ SVA»
-
«Ekstremisckimi» pryznali instahram-staronku Kanstancina Kavieryna i 250 stykieraŭ
-
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy14
Kamientary