58‑hadovuju minčanku asudzili za pratesty i «abrazu Łukašenki»
Aksana Marynina — pa adukacyi piedahoh.
Minčancy Aksanie Maryninaj (Šyšykavaj) 58 hadoŭ. U 1992 hodzie žančyna skončyła Biełaruski dziaržaŭny piedahahičny ŭniviersitet imia Maksima Tanka. Jana zamužam, maje darosłuju dačku.
Miarkujučy pa sacsietkach, doŭhi čas Aksana zajmałasia prodažam tavaraŭ dla zdaroŭja.
Niadaŭna Aksanu asudzili ŭ sudzie Pieršamajskaha rajona Minska pavodle č. 1 art. 342 (aktyŭny ŭdzieł u dziejańniach, jakija hruba parušajuć hramadski paradak) i č. 1 art. 368 (abraza Łukašenki) KK.
Maryninaj prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
«Špijon u kišeni»: rasijski miesiendžar Max sočyć za karystalnikami i dapamahaje błakavać VPN2
Kamientary