U vydaviectvie Sviedki vyjšaŭ biełaruski pierakład knihi Sabiny Bryło «Sprava Viktara Babaryki. Chronika palityčnaha pieraśledu ŭ faktach i dakumientach».
Heta kniha pra adnu z samych hučnych palityčnych spraŭ najnoŭšaj historyi Biełarusi — ale adnačasova značna bolš, čym historyja adnaho čałavieka. Sprava Viktara Babaryki stanovicca tut svojeasablivaj linzaj, praź jakuju my hladzim na toje, što adbyvałasia nie tolki z hałoŭnym hierojem knihi, ale i z nami ŭsimi. Praz fakty, dakumienty i chranałohiju adnoj spravy pastupova prastupaje historyja Biełarusi 2020 hoda — ad nadziei i adčuvańnia mahčymaści pieramien da aryštaŭ, sudoŭ i maštabnych represij.
Kniha budzie asabliva cikavaja ŭdzielnikam i śviedkam padziej 2020 hoda, bo zdolnaja viarnuć nas u atmaśfieru taho času i nahadać pačućci i emocyi, jakija my pieražyvali krok za krokam. Praz šeść hadoŭ mnohaje ŭžo ścierłasia z pamiaci, asobnyja padziei źlilisia ŭ adnu vialikuju historyju, a toje, što tady adbyvałasia dzień za dniom, siońnia časta ŭsprymajecca ŭžo ź inšaj dystancyi. Hetaja kniha viartaje chranałohiju — i razam ź joju čakańnie, tryvohu, nadzieju, salidarnaść i pastupovaje ŭśviedamleńnie taho, što adbyvajecca z krainaj.
Tym, chto nie byŭ niepasrednym udzielnikam padziej 2020 hoda, kniha daje mahčymaść ubačyć i adčuć ich znutry — lepš zrazumieć, što tady pieražyvali biełarusy, čym žyli, čaho čakali, čaho bajalisia i jak krok za krokam mianiałasia našaje adčuvańnie realnaści. Heta asabliva važna dla tych, chto byŭ u toj čas pa-za Biełaruśsiu, a taksama dla maładziejšych čytačoŭ, dla jakich 2020 hod užo stanovicca historyjaj.
Adnačasova «Sprava Viktara Babaryki» — važnaja dakumientalnaja krynica dla žurnalistaŭ, daśledčykaŭ, historykaŭ i ŭsich, chto vyvučaje biełaruski 2020 hod i palityčnyja represii paśla jaho.
Nabyć knihu možna na Allegro z dastaŭkaj pa ŭsioj Jeŭropie.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary
www.youtube.com/watch?v=_SBTP54Rcr0