Heta budzie najbolšaja z pačatku poŭnamaštabnaj vajny va Ukrainie ŭ 2022 hodzie suma.
Rasija płanuje ŭ 2027 hodzie vydatkavać na abaronu kala 203 młrd dalaraŭ, paviedamlaje Reuters sa spasyłkaj na ŭradavyja dakumienty. Heta prykładna na 27% bolš, čym zakładałasia pieršapačatkova, i najbolšaja suma z pačatku poŭnamaštabnaj vajny va Ukrainie ŭ 2022 hodzie.
Za try hady vydatki na armiju składuć kala 592 młrd dalaraŭ.
Finansavaje stanovišča Rasii pry hetym paharšajecca. Prahnoz deficytu biudžetu na 2026 hod pavialičyli ŭdvaja, z 1,6% da 3,2% VUP, a dachody ad nafty i hazu źnizili z 8,9 da 7,6 trłn rasijskich rubloŭ. Kab zakryć dzirku, urad pavialičvaje zapazyčańni na 26% i biare šmat hrošaj z Fondu nacyjanalnaha dabrabytu (kala 11% jaho likvidnaj častki).
Na 2027 hod užo anansavanyja novyja padatki, u tym liku padatak na zvyšprybytak mietałurhičnych i zdabyŭnych kampanij, jaki pavinien davać kala 2,4 młrd dalaraŭ štohod.
Dziaržaŭny doŭh Rasii ŭ 2027 hodzie vyraście da 21,7% VUP i piarojdzie miažu ŭ 20%, jakuju ŭłady ličać biaśpiečnaj. Ahulnyja zapazyčańni ŭ 2027 hodzie pavialičacca na 43%, da 7,7 trłn rasijskich rubloŭ (91 młrd dalaraŭ).
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary