Kredytam «Na ŭsio» ad Biełarusbanka ciapier možna apłačvać pakupki na Wildberries.
Atrymać jaho možna niepasredna padčas afarmleńnia zamovy na sajcie abo ŭ mabilnym dadatku markietplejsa, paviedamili ŭ banku.
Klijent, jak zvyčajna, vybiraje tavar i kładzie jaho ŭ košyk. Na etapie apłaty jon vybiraje «Kredyt ad Biełarusbanka». Paśla hetaha treba budzie aŭtaryzavacca praź Mižbankaŭskuju sistemu identyfikacyi i zapoŭnić zajaŭku.
Jak kažuć u banku, rašeńnie prymajecca litaralna za niekalki chvilin, paśla čaho klijentu prychodzić SMS sa spasyłkaj, pa jakoj treba pierajści, kab padpisać dahavor.
Paśla hetaha hrošy dla apłaty reziervujucca, a bank vypłačvaje ich pradaŭcu paśla atrymańnia zamovy pakupnikom. Kali ž pakupnik vyrašyć admovicca ad pakupki, hrošy, adpaviedna, nikudy nie pieraličvajucca.
Kredyt u banka — kamiercyjny, i staŭki pa im 17,05—17,65% hadavych. Jon vydajecca na piać hadoŭ, a suma pavinna znachodzicca ŭ dyjapazonie ad 200 da 50 tysiač rubloŭ.
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary