Kampanija SpaceX upieršyniu ździejśniła paŭnavartasny kaśmičny zapusk ciažkaha karabla Starship. Nieŭzabavie paśla startu ź jaho na kalaziamnuju arbitu byli vyviedzienyja 26 spadarožnikaŭ Starlink. Kali palot projdzie pavodle płana, karabiel zrobić šeść abarotaŭ vakoł Ziamli, a zatym pryvodnicca ŭ Cichim akijanie na zachad ad uźbiarežža Čyli.
Rakieta Super Heavy startavała z pryvatnaha kasmadroma SpaceX Starbase u Techasie a 15:46 pavodle biełaruskaha času. Praz 25 chvilin adzin z troch maršavych ruchavikoŭ Raptor karabla Starship uklučyŭsia i pieravioŭ jaho z subarbitalnaj trajektoryi na kalaziamnuju arbitu.
Nieŭzabavie paśla vychadu na arbitu z karabla zapuścili 26 novych spadarožnikaŭ suviazi Starlink treciaj viersii. Try ź ich abstalavali admysłovymi videakamierami. Ź ich dapamohaj inžyniery SpaceX chočuć vyvučyć stan ciepłaachoŭnaha pakryćcia Starship paśla palotu.
Ciapier dla zapusku spadarožnikaŭ Starlink SpaceX zvyčajna vykarystoŭvaje rakiety Falcon 9, ale ŭ budučyni kampanija płanuje całkam pierajści na Starship. Miarkujecca, što adzin taki karabiel zmoža vyvodzić u kosmas da 60 spadarožnikaŭ za adzin zapusk.
Heta byŭ 14‑ty sumiesny zapusk sistemy Starship i rakiety Super Heavy, ale pieršy paŭnavartasny arbitalny. Usie 13 papiarednich zapuskaŭ mieli subarbitalny charaktar, paśla čaho karabiel naŭmysna pryvadniŭsia ŭ Indyjskim akijanie.
Paśla zaviaršeńnia svajoj pracy pieršaja stupień Super Heavy ŭpała ŭ Atłantyčny akijan. SpaceX zahadzia paviedamiła, što padčas hetaha zapusku nie płanuje ratavać i miakka sadžać ni pieršuju stupień, ni sam Starship. Kali vyprabavańnie pryznajuć paśpiachovym, užo padčas 15‑ha zapusku kampanija choča pasprabavać złavić i pasadzić karabiel z dapamohaj śpiecyjalnaj viežy.
Padčas pieršaha paŭnavartasnaha arbitalnaha palotu Starship pavinien prykładna za 10 hadzin zrabić šeść abarotaŭ vakoł Ziamli na vyšyni kala 274 kiłamietraŭ. Paśla hetaha karabiel uvojdzie ŭ ščylnyja słai atmaśfiery i ŭpadzie ŭ Cichi akijan na zachad ad Čyli.
U pierśpiektyvie SpaceX raźličvaje adnaŭlać Starship paśla pryvadnieńnia i vykarystoŭvać jaho paŭtorna. Bolš daskanałyja viersii karabla kampanija taksama płanuje vykarystoŭvać dla budučych ekśpiedycyj da Miesiaca i Marsa.
Niamieckaja pryvatnaja rakieta ŭpieršyniu vyjšła na arbitu
NASA paśpiachova zapuściła kaśmičny teleskop Roman, jaki moža adkryć novuju eru ŭ daśledavańni Suśvietu
Zialenski ŭznaharodziŭ Iłana Maska ordenam Svabody
Što navukoŭcy mohuć vyśvietlić dziakujučy padzieńniu stupieni rakiety SpaceX na Miesiac
Mask spadziajecca vysadzić čałavieka na Marsie ŭžo praz 5‑7 hadoŭ
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary