U Biarozie źbirajucca ŭdychnuć žyćcio ŭ były kartezijanski manastyr
U Biarozie Bresckaj vobłaści płanujuć rekanstrujavać paŭdniova-zachodniuju častku kompleksu byłoha kartezijanskaha klaštara i pieratvaryć jaje ŭ turystyčny abjekt. Prajekt praduhledžvaje stvareńnie muziejnaj ekspazicyi, nievialikaha hatela, kanfierenc-zały i kaviarni, piša Domovita.by.
Za realizacyju prajekta adkazvaje ŭpraŭleńnie kapitalnaha budaŭnictva Biarozaŭskaha rajona, a prajektnyja rašeńni raspracoŭvaŭ filijał «Brestrestaŭracyjaprajekt». Asnoŭnaja zadača — adnavić cełasnaść paŭdniova-zachodniaj častki ansambla i prystasavać histaryčnyja budynki dla turystyčnych patreb. Ziemlanyja raboty pry zakładcy padmurkaŭ buduć pravodzicca pad nahladam archieołahaŭ, kab nie paškodzić kulturny płast.
U samym viadomym budynku kompleksu — domie Sapiehaŭ — płanujuć adkryć mini-hatel. Jon budzie zajmać dva pavierchi i 318 kvadratnych mietraŭ. Tut zrobiać try numary ahulnaj umiaščalnaściu 11 spalnych miescaŭ. Na pieršym paviersie raźmieścicca trochmiesny numar, całkam prystasavany dla ludziej z asablivymi patrebami. Na druhim paviersie buduć dva dvuchpakajovyja numary, kožny ź jakich raźličany na čatyroch čałaviek.
U susiednim korpusie adkryjuć nievialikuju kaviarniu płoščaj 196,3 kvadratnaha mietra. Zała z barnaj zonaj budzie zajmać 62 kvadratnyja mietry i zmoža pryniać 21 naviedvalnika. Asnovu mieniu składuć paŭfabrykaty vysokaj stupieni hatoŭnaści, tamu kaviarnia budzie raźličanaja pieravažna na chutki pierakus padčas naviedvańnia kompleksu.
Jašče adzin zachavany korpus pobač z ujaznoj bramaj prystasujuć pad muziej. Na pieršym paviersie raźmieściacca muziejnyja zały i techničnyja pamiaškańni, a na mansardzie — zakrytaje fondaschovišča. Susiedniuju viežu złučać z druhim paviercham i ŭklučać u administracyjnuju častku kompleksu.
Budynak źleva ad hatela pieratvorać u administracyjna-hramadski centr. Na pieršym paviersie zrobiać uvachodnuju zonu, suvienirnuju kramu i kanfierenc-zału płoščaj 59,5 kvadratnaha mietra. Jana budzie raźličanaja na 50 čałaviek i padydzie dla lekcyj i dziełavych sustreč. Na druhim paviersie raźmieściacca kabiniety supracoŭnikaŭ.
U rekanstrujavanych budynkach ustalujuć elektryčnaje aciapleńnie i kandycyjaniery, praviaduć sietki suviazi i pastaviać kamiery videanazirańnia. Pry hetym sami histaryčnyja budynki abiacajuć restaŭravać aściarožna: dachi, akonnyja i dźviarnyja prajomy buduć adnaŭlać z vykarystańniem restaŭracyjnych technałohij.
Pobač z kompleksam taksama płanujuć uparadkavać parkoŭku na šeść turystyčnych aŭtobusaŭ i 29 lehkavych aŭtamabilaŭ. Akramia taho, tam źjavicca asobny płatny hramadski tualet.
Kartezijanski kompleks u Biarozie byŭ adzinym klaštaram hetaha ordena na terytoryi Vialikaha Kniastva Litoŭskaha. Jaho budavali amal 40 hadoŭ — z 1648 da 1689 hoda — pavodle prajekta italjanskaha architektara Džavani Batysta Džyźleni. Budaŭnictva finansavaŭ padkancler VKL Kazimir Leŭ Sapieha, čyj rod vałodaŭ hetymi ziemlami z kanca XV stahodździa. Klaštar zadumvaŭsia jak dobra ŭmacavanaja rezidencyja z toŭstymi ścienami, viežami, rovam i bajnicami. U kaściole byli pachavanyja niekalki pakaleńniaŭ Sapiehaŭ.
Kartezijancy viali vielmi askietyčny ład žyćcia: zachoŭvali strohi zarok maŭčańnia, žyli ŭ asobnych kiellach i tolki raz na hod źbiralisia razam za adnym stałom. Pry hetym klaštar byŭ bujnym ekanamičnym centram. Manachi vałodali młynami, cahielniaj, lesapilniami i brovaram, mieli manapoliju na handal sollu i vinom, a na ziemlach klaštara pracavali tysiačy pryhonnych. Da 1940 hoda miastečka aficyjna nazyvałasia Biaroza-Kartuzskaja.
Razbureńnie kompleksu pačałosia jašče ŭ XVIII stahodździ padčas Paŭnočnaj vajny, kali jaho šturmavali šviedskija vojski. Paźniej carskija ŭłady zakryli klaštar, abvinavaciŭšy manachaŭ u padtrymcy paŭstańnia 1830—1831 hadoŭ. Budynki pieratvaryli ŭ kazarmy, a ŭ druhoj pałovie XIX stahodździa kaścioł i častku ścien pačali raźbirać na cehłu dla budaŭnictva vajskovych haradkoŭ. Da našaha času zachavalisia tolki asobnyja frahmienty aharodžy, častka viežy, ruiny zvanicy i ŭjaznaja brama. Jaje vyjava ciapier znachodzicca na hierbie Biarozy.
Minkult admoviŭsia dać najvyšejšy status cerkvam Paleśsia sa śpisa JUNIESKA, nazvaŭšy heta svaim «suvierennym pravam»
U Kreŭskim zamku znajšli padmurki zamkavaha mosta
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Padrychtavali prajekt rekanstrukcyi sinahohi ŭ Słonimie
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary