Biełaruski dyzajnier Jahor Ždanovič adznačyŭsia kanceptualnym pierformansam. U centry ŭvahi akazaŭsia samy zvyčajny kamień. Jahor nanios na jaho svaju hraviroŭku i pradaje za $2000, piša Onliner.by.
Mahčyma, prosta zaraz heta samy darahi kamień u Biełarusi (kali nie ličyć kaštoŭnaściaŭ). Art-abjekt nazyvajecca «Naračanski vałun», jon źmieščany ŭ pryhožuju dyzajnierskuju škatułku z aksamitnym dnom. Uvohule, skazać pra jaho bolš i niama čaho: kamień jak kamień.
Niešta padobnaje ŭ rozny čas rabili mnohija sučasnyja mastaki i modnyja brendy: možna ŭspomnić choć by cehłu ad Supreme. Kab vyjści za miežy žartu, dyzajnier pastaraŭsia i źniaŭ dla kamienia sapraŭdny modny kampan z tancorami ŭ biełych mantyjach.
«Kamień — pratest suprać normy i adnarazovaha spažyvańnia, dzie ideja pamiraje ŭ pieršaj partyi. Jon — simvał siły, stałaści i kaštoŭnaści nie masavaha, a śviadomaha vybaru», — havorycca ŭ apisańni rolika.
Pra svoj epatažny prajekt Jahor Ždanovič krychu padrabiaźniej raskazaŭ Onliner.
Čamu mienavita kamień? Prosta tamu, što naŭrad ci možna było znajści pradmiet jašče bolš prymityŭny. Kamień, jakomu treba było štučna dadać kaštoŭnaści, Jahor znajšoŭ padčas adpačynku ź siabrami na Naračy paŭhoda tamu, ale paźniej zamianiŭ na inšy — z toj ža łakacyi. Kaža, što druhi kamień prosta vyhladaŭ bolš estetyčna.
— Čamu «Naračanski vałun»? Pa-pieršaje, tamu što jon sapraŭdy z Naračy, pa-druhoje, tamu što Narač — samaje papularnaje voziera Biełarusi, a ja abažaju Biełaruś, mnie padabajecca raspaviadać pra jaje z dapamohaj niejkich stylnych, kłasnych rečaŭ. Maja mara — kab pra Biełaruś havaryli va ŭsim śviecie. I ja sam chaču pazicyjanavać siabie mienavita jak biełaruskaha dyzajniera.
I pieršapačatkova kamień pavinien byŭ pradavacca za $1000. Cana padskočyła ŭ toj momant, kali Jahor zrazumieŭ, što vydatkavaŭ na sam prajekt značna bolš. Bolš za ŭsio hrošaj pajšło na toje samaje videa, kala 700 rubloŭ kaštavała škatułka, jakuju zrabiŭ majstar z Bresta. Hraviroŭka — taksama zadavalnieńnie nie z tannych, mała chto ŭvohule chacieŭ bracca za padobny zakaz. Ahulnaja suma vydatkaŭ — kala 4500 rubloŭ. Ci varta było heta taho?
— Kamień užo sabraŭ davoli šmat kamientaryjaŭ. Niadaŭna rolik, vidać, trapiŭ na aŭdytoryju stałaha ŭzrostu: voś tam ludzi ŭ asnoŭnym žartujuć, što «biespracoŭnamu čałavieku niama čym zaniacca». Surjozna kupić pakul nichto nie sprabavaŭ. Napisała adna dziaŭčyna, ja ŭžo paśpieŭ uzradavacca, ale jana nieŭzabavie vydaliła dyjałoh. Na samaj spravie, mnie ŭžo navat krychu škada ź im raźvitvacca, uličvajučy toj abjom pracy, jaki byŭ praviedzieny. Ale pradać usio ž taki taksama chaču: chacia b kab dakazać, što heta mahčyma. Pra hety kamień ja jašče zdymaju vialikaje videa na YouTube, kali znojdziecca pakupnik — jon u jaho taksama trapić.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
A ci rasiejščynaj psavali naračanskija kamiani? To-ta!