Abrany novy staršynia Mižnarodnaj fiederacyi chakieju. Siarod pretendentaŭ byŭ biełarus
15‑m prezidentam Mižnarodnaj fiederacyi chakieju (IICHF) staŭ 72‑hadovy niemiec Franc Rajndl.
Jon staŭ pieršym hramadzianinam Hiermanii, jaki zaniaŭ hetuju pasadu paśla Hiuntera Sabiecki (1975—1994).
Pieršapačatkova pretendentaŭ na pasadu było dzieviać, u tym liku i biełarus Siarhiej Hančaroŭ, ale jon źniaŭ svaju kandydaturu da hałasavańnia, jak i niekatoryja inšyja kandydaty.
Hałasavańnie prachodziła ŭ dva tury, u im udzielničali Rajndl, čech Pieter Bržyza i kyrhyz Ajvaz Amarkanaŭ. Rajndla abrali ŭ druhim tury.
Termin paŭnamoctvaŭ novaha prezidenta i Rady IICHF praciahniecca z kastryčnika 2026 hoda pa kastryčnik 2030 hoda. Zaraz kiraŭnikom suśvietnaha chakieju źjaŭlajecca kanadziec Luk Tardzif
Rajndl byŭ prafiesijnym chakieistam, udzielničaŭ u troch Alimpijadach, vaśmi čempijanatach śvietu, a z 1992 pa 2014 hod byŭ hienieralnym mieniedžaram nacyjanalnaj zbornaj Hiermanii, taksama arhanizavaŭ u hetaj krainie try čempijanaty śvietu. Z 2014 pa 2022 hady byŭ prezidentam Fiederacyi chakieja Hiermanii.
Nahadajem, što paśla pačatku poŭnamaštabnaj vajny Rasii suprać Ukrainy rasijski i biełaruski chakiej znachodzicca ŭ mižnarodnym banie. Zbornyja byli adchilenyja ad čempijanataŭ śvietu i Alimpijadaŭ, kłuby nie ŭdzielničajuć u chakiejnych jeŭrakubkach. Uletku da mižnarodnych spabornictvaŭ viarnuli biełaruski junacki i žanočy chakiej, ale moładzievaja i nacyjanalnaja zbornyja pakul pad sankcyjami.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary