Paškodžanyja žyłyja damy i Ilski NPZ, jość zahinułyja i paranienyja.
Ukrainskija bieśpiłotniki ŭ noč na 26 vieraśnia nanieśli ŭdary pa Rastoŭskaj vobłaści i Krasnadarskim krai, piša «Mieduza».
U Azovie paškodžanyja žyłyja šmatkvaternyja i pryvatnyja damy, pramysłovyja abjekty, škoła, pałac kultury i aŭtamabili. Paciarpieli čatyry čałavieki, paviedamiŭ kiraŭnik Krasnadarskaha kraju Juryj Ślusar.
Ukrainskija manitorynhavyja kanały pišuć, što ŭdar, vierahodna, byŭ naniesieny pa Azoŭskim optyka-miechaničnym zavodzie, jaki vypuskaje pradukcyju dla abaronnaj pramysłovaści.
U Krasnadarskim krai ŭ vyniku ataki ŭkrainskich bieśpiłotnikaŭ zaharelisia dva pradpryjemstvy ŭ Sieŭrskim rajonie, paviedamiŭ kiraŭnik rehijona Vienijamin Kandraćjeŭ.
«Na žal, jość zahinułyja», — napisaŭ jon u sacyjalnych sietkach, nie ŭdakładniŭšy detali.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary