Z kastryčnika ŭ Biełarusi pačnuć dziejničać novyja praviły adnosna cenaŭ na niekatoryja lekavyja preparaty. Ministerstva achovy zdaroŭja vyznačyła dla ich maksimalnyja hraničnyja adpusknyja ceny.
Pavodle pastanovy Minzdrava ad 17 vieraśnia 2026 hoda, arhanizacyi zmohuć samastojna vyznačać adpusknyja ceny na hetyja leki, ale jany nie pavinny pieravyšać ustanoŭlenyja dziaržavaj maksimalnyja značeńni. Sami hraničnyja ceny byli vyznačanyja raniej inšaj pastanovaj ministerstva.
Abmiežavańni zakranuć preparaty roznych hrup: supraćparazitarnyja, dermatałahičnyja, supraćjinfiekcyjnyja, supraćpuchlinnyja i imunamadulujučyja srodki, a taksama leki dla lačeńnia zachvorvańniaŭ dychalnaj i stravavalnaj sistem, parušeńniaŭ abmienu rečyvaŭ, chvarob kryvi i kryvatvornych orhanaŭ, niervovaj sistemy i orhanaŭ pačućciaŭ.
U pieralik trapili preparaty ajčynnych vytvorcaŭ, u tym liku «Biełmiedpreparaty», «Farmłend», «Biełasieptyka», «Reb-farma», «Farmtechnałohija», Barysaŭskaha i Niaśvižskaha zavodaŭ miedycynskich preparataŭ, «Akademifarm», Babrujskaha zavoda bijatechnałohij i «Fierejn».
Naprykład, maksimalnaja adpusknaja cana łoratadzinu Barysaŭskaha zavoda va ŭpakoŭcy z 10 tabletak składzie 49 kapiejek. Dla łopieramidu №10 jana ŭstanoŭlenaja na ŭzroŭni 40 kapiejek, a dla hlukanatu kalcyju №50 — 1 rubiel 15 kapiejek.
Hraničnaja cana folijevaj kisłaty 0,4 mh №30 składzie 1 rubiel 50 kapiejek, a eufilinu 150 mh №30 — 77 kapiejek.
Navukoŭcy vyjavili niečakanuju suviaź pamiž pryjomam paracetamołu padčas ciažarnaści i zdaroŭjem dačok
«A čamu vy pryjechali? Dumali, naradžać nie baluča?» Biełaruska raskazała dzikuju historyju pra svaje rody
Čamu indyjskija leki zabili 9 biełarusaŭ? Mahčyma, čynoŭniki ekanomiać, a daktary bajacca pakarańniaŭ
Cana na adnyja i tyja ž leki ŭ roznych aptekach moža adroźnivacca ŭdvaja. Minhandlu patłumačyła, čamu tak
Kamientary