Na miažy vieraśnia i kastryčnika ŭ Biełarusi čakajecca źmianieńnie nadvorja. Daždžy pastupova adstupiać, a kraina apyniecca pad upłyvam vobłaści vysokaha atmaśfiernaha cisku.
Pieršy kastryčnicki tydzień, pavodle prahnozu sinoptyka Dźmitryja Rabava, budzie pieravažna suchim i ŭmierana ciopłym. U Bresckaj vobłaści tempieratura pavietra moža dasiahać +21 hradusa.
U paniadziełak, 28 vieraśnia, karotkačasovyja daždžy jašče mahčymyja na paŭdniovym uschodzie i ŭschodzie krainy. Nočču budzie ad +7 da +12 hradusaŭ, dniom — ad +13 na poŭnačy da +19 na paŭdniovym zachadzie.
U aŭtorak istotnych apadkaŭ užo nie čakajecca. Nievialiki doždž mahčymy tolki na krajnim paŭdniovym uschodzie. Tempieratura ŭnačy składzie +6…+11 hradusaŭ, a dniom pavietra prahrejecca da +13…+17.
U sieradu Biełaruś apyniecca pad upłyvam antycykłonu. Budzie pieramiennaja vobłačnaść, ale značnych daždžoŭ nie prahnazujuć. Nočču i ranicaj miescami mahčymy tuman. Nočču tempieratura budzie ad +5 da +10 hradusaŭ, dniom — ad +14 da +19.
U čaćvier daždžy taksama małavierahodnyja na bolšaj častcy terytoryi. Nočču čakajecca +4…+9 hradusaŭ, zatoje dniom stanie ciaplej: na paŭnočnym uschodzie — da +16, a ŭ Bresckaj vobłaści — da +21.
U piatnicu istotnych źmienaŭ u nadvorji nie pradbačycca. Zachavajecca pieramiennaja vobłačnaść, vierahodnaść daždžoŭ budzie nievialikaj. Nočču tempieratura składzie +7…+12, dniom — ad +15 da +20 hradusaŭ.
Pieršyja kastryčnickija vychadnyja taksama pavinny prajści spakojna. U subotu budzie vobłačna z prajaśnieńniami, ale ŭ bolšaści rajonaŭ apadkaŭ nie čakajecca. Nočču tempieratura budzie ad +5 da +10 hradusaŭ, dniom — ad +14 na ŭschodzie da +19 na zachadzie.
U niadzielu istotnych źmienaŭ taksama nie prahnazujecca. Biełaruś zastaniecca pad upłyvam vysokaha atmaśfiernaha cisku. Dniom pavietra prahrejecca da +14…+19 hradusaŭ, a ŭ Bresckaj vobłaści — da +21.
Kamientary