Što praŭda, pakul na francuzskim učastku maršrutu.
Znakamity horny masiŭ Manbłan pakutuje ad rostu kolkaści turystaŭ: uzdoŭž 169‑kiłamietrovaha maršrutu praz Francyju, Italiju i Šviejcaryju ŭsio čaściej zastajucca pakiety sa śmiećciem i tualetnaja papiera, turysty spraŭlajuć patrebu na pryrodzie, raźbivajuć łahiery na pryvatnaj terytoryi i kormiać dzikich žyvioł, paviedamlaje Bild.
Z nastupnaha leta francuzskija ŭłady chočuć abaviazać turystaŭ zahadzia braniravać aficyjnaje žyllo. Načoŭki pa-za śpiecyjalna abstalavanymi miescami buduć zabaronienyja. Pry hetym aficyjnyja stajanki abiacajuć zabiaśpiečyć vadoj i tualetnaj papieraj, kab turystam nie davodziłasia spraŭlać patrebu ŭ lesie.
Źmieny zakranuć i bahaž. Turystam dazvolać karystacca zvyčajnymi trekinhavymi zaplečnikami, a pieravozku valizak pamiž stajankami na taksi abmiažujuć vyznačanymi hadzinami.
Mer papularnaj siarod turystaŭ kamuny Sien-Žervie Žan-Mark Piejeks padkreślivaje: zakryvać dostup da Manbłana nie źbirajucca — meta ŭ tym, kab abmiežavać nastupstvy masavaha turyzmu.
Novyja praviły ŭžo padtrymali siem francuzskich municypalitetaŭ. Adnak častka meraŭ vystupaje suprać, pakolki turysty prynosiać rehijonu značnyja dachody. Na italjanskim i šviejcarskim bakach Manbłana pakul nie płanujuć uvodzić anałahičnyja abmiežavańni.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary