Biełaruś zastajecca bujnym pastaŭščykom darahich jeŭrapiejskich mašyn u Rasiju
Niahledziačy na skaračeńnie impartu lehkavych aŭtamabilaŭ z trecich krain u Rasiju praź Biełaruś, jahonyja abjomy pa-raniejšamu zastajucca značnymi. Pa słovach zasnavalnika rasijskaha analityčnaha ahienctva «Aŭtastat» Siarhieja Celikava, za pieršyja vosiem miesiacaŭ 2026 hoda praź Biełaruś na rasijski rynak trapiła 16,4 tysiačy impartnych lehkavych aŭtamabilaŭ, pieravažna premijalnych marak.
U paraŭnańni z anałahičnym pieryjadam 2025 hoda kolkaść takich aŭtamabilaŭ źmienšyłasia na 8,4%. Značnuju častku impartu skłali novyja mašyny, pryčym pieravažna darahija jeŭrapiejskija krasoviery premijalnych brendaŭ.
Najbolšaj papularnaściu siarod ich karystaŭsia Mercedes-Benz G-Class — praź Biełaruś u Rasiju trapiła 819 takich aŭtamabilaŭ. Dalej išli BMW X5 — 564 mašyny, Land Rover Range Rover — 539, BMW X7 — 394 i Porsche Cayenne — 368.
Pavodle padlikaŭ «Aŭtastata», bolš za 20% novych aŭtamabilaŭ BMW, uviezienych u Rasiju, prajšli tranzitam praź Biełaruś. Pry hetym asnoŭnym pastaŭščykom novych BMW na rasijski rynak staŭ Kyrhyzstan, na dolu jakoha prypała 40% impartu hetaj marki.
Što tyčycca patrymanych aŭtamabilaŭ, to ź Biełarusi ŭ Rasiju ŭ asnoŭnym pastaŭlajuć mašyny masavych marak Peugeot, Volkswagen i Renault. Kala pałovy takich aŭtamabilaŭ majuć dyzielnyja ruchaviki, a mahutnaść 80% patrymanych mašyn nie pieravyšaje 160 konskich sił.
Za ŭvieś 2025 hod ź Biełarusi ŭ Rasiju było ŭvieziena 17,1 tysiačy novych lehkavych aŭtamabilaŭ z trecich krain. Na toj momant heta składała kala 10% rasijskaha rynku novych aŭtamabilaŭ.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary