Z 1 kastryčnika ŭ Biełarusi adkryvajecca siezon palavańnia na rysiaŭ. Jon praciahniecca da 31 studzienia 2027 hoda.
Palavańnie na rysiaŭ było zabaroniena ŭ krainie kala 40 hadoŭ. Zakanadaŭstva dazvoliła jaho z 2025 hoda ŭ suviazi z rostam kolkaści rysiaŭ u asobnych rehijonach. Pry hetym rysi, jak i miadźviedzi, majuć u Biełarusi dvajny pryrodaachoŭny status: jany adnačasova ličycca palaŭničymi žyviołami i ŭvachodziać u Čyrvonuju knihu Biełarusi. Tamu zabivać rysiaŭ možna tolki na asobnych terytoryjach.
Palavańnie budzie dazvolena ŭ 21 palaŭničaj haspadarcy ŭ čatyroch abłaściach. U Viciebskaj vobłaści takich haspadarak čatyry, u Homielskaj — 13, u Hrodzienskaj — adna, u Minskaj — try.
Dazvalajecca zdabyvać rysiaŭ niezaležna ad połu i ŭzrostu. Palavańnie pravodzicca sa strelbaj z zasady abo padychodu, na praciahu śvietłavoha dnia i ŭ prysutnaści kiraŭnika palavańnia. Možna vykarystoŭvać jak naraznuju, tak i hładkastvolnuju zbroju z patronami, padrychtavanymi kulaj abo karciečču. Taksama dazvolena brać palaŭničych sabak, parody jakich vyznačaje karystalnik palaŭničych uhodździaŭ.
Košt dazvołu na zdabyču adnoj rysi ŭ hetym hodzie składzie 200 rubloŭ niezaležna ad jaje połu i ŭzrostu. Dla indyvidualnaha palavańnia dadatkova spatrebicca pucioŭka. Dla členaŭ Biełaruskaha tavarystva palaŭničych i rybałovaŭ jana kaštuje 20 rubloŭ, dla astatnich palaŭničych — 40 rubloŭ.
Kali palavańnie na rysiaŭ pravodzicca ŭ miežach palaŭničaha tura, košt dazvołu vyznačaje sama palaŭničaja haspadarka. Adnak jon nie moža pieravyšać 700 rubloŭ.
Letaś, kali ŭpieršyniu źniali zabaronu na heta palavańnie, asablivaha entuzijazmu siarod palaŭničych nie nazirałasia. Płanavałasia zabić 57 rysiaŭ, ale zastrelili tolki šeść žyviolin — krychu bolš za 10% ad dazvolenaj kolkaści. Staršynia Biełaruskaha tavarystva palaŭničych i rybałovaŭ Ihar Šunievič tady nazvaŭ vynik «poŭnym pravałam siezona». Što budzie ŭ hetym siezonie — pakaža čas.
Šunievič: Adzinaja meta dazvołu palavańnia na miadźviedziaŭ i rysiaŭ — dać bolš svabody palaŭničym u vybary trafiejaŭ
Šunievič: Pieršy siezon palavańnia na rysiaŭ skončyŭsia poŭnym pravałam
Arhanizacyja, jakoj kiruje Šunievič, pachvaliłasia čarhovym zabojstvam — čyrvanaknižnaj rysi
«Vam vielmi pašancavała». Zaołah rastłumačyŭ, ci niebiaśpiečnyja dla čałavieka sustrečy z ryśsiu
Charyzmatyčny drapiežnik našych lasoŭ. Tajamnicy biełaruskaj rysi
Kamientary