Šunievič: Pieršy siezon palavańnia na rysiaŭ skončyŭsia poŭnym pravałam
Staršynia Biełaruskaha tavarystva palaŭničych i rybałovaŭ, kolišni ministr unutranych spraŭ Ihar Šunievič nazvaŭ pieršy za mnohija hady siezon palavańnia na ryś pravalnym. Z 57 dazvolenych dla zdabyčy žyvioł u minułym siezonie było zabita tolki šeść asobin, abo kala 10,5%.
Šunievič adznačyŭ, što situacyja z ryśsiu «nieadnaznačnaja» i poŭny pravał siezona źviazany z tym, što dazvolili sposaby palavańnia tolki padychodam i z zasady, biez zahonnych palavańniaŭ.
Padčas hetaha siezona zabityja žyvioły chutčej stali «paputnaj zdabyčaj», bo ŭ biełaruskich palaŭničych niama adpaviednaha dośviedu i mahčymaściaŭ dla palavańnia z sabakami.
Jon taksama padkreśliŭ, što ŭsie zakłapočanaści ekołahaŭ adnosna ŭpłyvu palavańnia na papulacyju byli pierabolšańniem: faktyčna palavańnie na ryś nie stała «fienomienam nacyjanalnaha palavańnia».
Siezon palavańnia na rysiaŭ praciahvaŭsia z 31 kastryčnika 2025 hoda pa 31 studzienia 2026 hoda. Dazvoł na palavańnie byŭ dadzieny pastanovaj Savieta Ministraŭ № 233 ad 23 krasavika 2025 hoda, a achoŭny status rysi byŭ panižany pastanovaj Minpryrody № 10 ad 14 sakavika 2025 hoda.
Palavańnie dazvolena ŭ Viciebskaj, Homielskaj i Minskaj abłaściach. Dazvoł na zdabyču rysiaŭ dla hramadzian Biełarusi i krain Jeŭrazijskaha ekanamičnaha sajuza kaštuje 200 rubloŭ, dla inšych dziaržaŭ — 500 rubloŭ.
Raniej paviedamlałasia, što pieršy siezon palavańnia na inšaha čyrvanaknižnaha źviera, miadźviedzia, byŭ, naadvarot, vielmi paśpiachovy: z 40 vydzielenych žyvioł zabili 39.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary