Maładaja ryś trapiła ŭ kapkan u Babrujskim rajonie, potym daviałosia rabić apieracyju
Niečakanym vynikam zaviaršyłasia palavańnie ŭ palaŭničych terytoryjach Babrujskaha rajona ŭ niadzielu. U viarovačny kapkan, ustalavany dla łoŭli kunicy, trapiła ryś, piša komkur.info.
Jak paviedamiŭ načalnik Babrujskaj harrajonnaj inśpiekcyi pryrodnych resursaŭ i achovy navakolnaha asiarodździa Anatol Hryb, usio adbyłosia dniom u rajonie vioski Maljeva.
— U kapkan trapiła jašče maładoje rysiania. Vosiem miesiacaŭ. Dziaŭčynka.
Palaŭničy paviedamiŭ pra zdareńnie ŭ Babrujskuju mižrajonnuju inśpiekcyju achovy raślinnaha i žyviolnaha śvietu. Taki paradak praduhledžany praviłami palavańnia na dzikich žyvioł. Pradstaŭniki inśpiekcyi i śpiecyjalisty pa dzikaj faŭnie vyjechali na miesca. U ich prysutnaści žyviołu vyzvalili z kapkana, pasadzili ŭ kletku i dastavili ŭ vieterynarnuju kliniku da babrujskaha Ajbalita — Ryhora Bielahova.
Dapamoha vieterynara sapraŭdy spatrebiłasia. U rysianiaci dyjahnastavali pierałom pravaj piaredniaj łapy — nastupstvy traplańnia ŭ kapkan. U paniadziełak źvieru vahoj 10 kiłahramaŭ praviali apieracyju.
— Apieracyja prajšła paśpiachova, pad nazirańniem žyvioła praviadzie dva—try dni, — paviedamiŭ Ryhor.
Jak adznačyŭ Anatol Hryb, paśla zakančeńnia vieterynarnaha nazirańnia «kacinaha» źmieściać u zaapark haradskoha pasiołka Akciabrski Homielskaj vobłaści.
Vypuskać žyviołu ŭ naturalnaje asiarodździe, ličyć surazmoŭca, značyć padvierhnuć niebiaśpiecy žyćcio jak źviera, tak i ludziej:
— Ryś paśpieje pryvyknuć da čałavieka i budzie biez strachu zachodzić u nasielenyja punkty.
Ekołahi razhladali i varyjant raźmiaščeńnia źviera ŭ Mahiloŭskim zaasadzie, adnak tam, jak paviedamiŭ Anatol Hryb, akazalisia nie hatovyja pryniać dzikaha žychara babrujskich lasoŭ.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?8
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary