Dla Pucina na Urale pabudavali «bunkier Sudnaha dnia» na vypadak jadziernaj vajny
Na poŭnačy Śviardłoŭskaj vobłaści Rasii ŭnutry hary Kośvinski Kamień abstalavali sakretny abjekt pad kodavaj nazvaj «Hrot» (abjekt 1335). Pra jaho pryznačeńnie daviedalisia daśledčyki Centra «Daśje», dackaha rasśledavalnickaha prajekta Danwatch i The Sunday Times, vyvučyŭšy dakumienty ab budaŭnictvie i zabieśpiačeńni abjekta, a taksama infarmacyju z adkrytych krynic, piša The Moscow Times.
Pavodle sabranych imi źviestak, «Hrot» moža być klučavym elemientam madernizavanaj sistemy reziervovaha kiravańnia stratehičnymi jadziernymi siłami Rasii «Pierymietr», viadomaj na Zachadzie jak Dead Hand («Miortvaja ruka»). Sistema pryznačanaja dla zabieśpiačeńnia mahčymaści jadziernaha ŭdaru ŭ adkaz u vypadku źniščeńnia vyšejšaha kiraŭnictva krainy.
Sakretny ŭkaz ab stvareńni novaha elemienta sistemy, pa słovach hienierał-majora ŭ adstaŭcy Viktara Chalina, jaki ŭdzielničaŭ u stvareńni «Pierymietra» i paźniej kiravaŭ jaho madernizacyjaj, Uładzimir Pucin padpisaŭ u mai 2005 hoda. Da 2010 hoda novuju sistemu vyprabavali i raźmiaścili na abjekcie. Pobač z haroj da 2020 hoda pabudavali vajskovy haradok Kytłym.
Sam abjekt znachodzicca ŭnutry hary i składajecca z padziemnych pamiaškańniaŭ i tunelaŭ, radyjocentraŭ, sistem suviazi i žyćciezabieśpiačeńnia, a taksama abstalavańnia dla kiravańnia stratehičnymi jadziernymi siłami. Asablivaściu hary nazyvajuć jaje hornyja parody, jakija prapuskajuć radyjochvali peŭnych častot, nieabchodnyja dla suviazi.
Chalin śćviardžaje, što abjekt 1335 daje rasijskamu kiraŭnictvu mahčymaść nanosić udar u adkaz jak u aŭtamatyzavanym, tak i ŭ aŭtamatyčnym režymie, biez udziełu čałavieka ŭ pryniaćci kančatkovaha rašeńnia. U savieckaj viersii «Pierymietra» apošniaje rašeńnie ab zapusku zastavałasia za dziažurnymi aficerami. Pry hetym daśledčyki adznačajuć, što dakumientalnych dokazaŭ całkam aŭtamatyčnaj pracy novaj sistemy jany nie znajšli.
Amierykanski ekśpiert pa jadziernym nieraspaŭsiudžvańni, prafiesar Stenfardskaha ŭniviersiteta Džefry Ljuis ličyć, što ŭ Kramli razhladajuć «Hrot» jak elemient, jaki pavinien pavysić stabilnaść sistemy i dać rasijskamu kiraŭnictvu bolš upeŭnienaści i času dla reahavańnia ŭ kryzisnaj situacyi.
Budaŭnictva abjekta pačałosia jašče ŭ 1982 hodzie. Pavodle vyvučanych dakumientaŭ dziaržaŭnych zakupak, dla jaho było pastaŭlena kala 22 tysiač ton stali i 56 tysiač ton cemientu. Daśledčyki padličyli, što takoj kolkaści materyjałaŭ chapiła b prykładna na abjom bietonu, nieabchodny dla budaŭnictva dźviuch vialikich sučasnych stancyj Maskoŭskaha mietrapalitena razam z prylehłymi tunelami.
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Rasii nie ŭdałasia sproba ŭpieršyniu za 8 hadoŭ zapuścić hipierhukavuju rakietu «Avanhard»
«My abaviazanyja». Deputat Dziarždumy RF zaklikaŭ da jadziernaha ŭdaru
Ciapier čytajuć
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ2
Kamientary
2. Kto-to jeŝie, no obiazatielno učastnik prohrammy wef young global leaders.