Kreml zajaviŭ, što nie abmiarkoŭvaje z ZŠA vyzvaleńnie palitviaźniaŭ
Raniej paviedamlałasia, što ź inicyjatyvaj vyzvaleńnia rasijskich palitviaźniaŭ vystupiŭ Džon Koŭł.
«My kateharyčna admaŭlajem najaŭnaść jakich-niebudź palitviaźniaŭ i ličym, što takaja pastanoŭka pytańnia absalutna niedarečnaja», — zajaviŭ žurnalistam pres-sakratar prezidenta Rasii Dźmitryj Piaskoŭ, piša Bi-bi-si.
Pavodle jaho słoŭ, u Kramli nie abmiarkoŭvali i «nie mahli abmiarkoŭvać» mahčymaść vyzvaleńnia z rasijskich turmaŭ šerahu palitviaźniaŭ u abmien na źniaćcie Vašynhtonam sankcyj.
Pry hetym jon skazaŭ, što rasijskija śpiecsłužby «praciahvajuć rehularnyja kantakty» z Vašynhtonam nakont «roznych abmienaŭ źniavolenymi».
Raniej vydańnie The Atlantic paviedamiła, što prezident ZŠA Donald Tramp uchvaliŭ ideju źmiakčyć sankcyi suprać Rasii ŭ abmien na vyzvaleńnie palitviaźniaŭ. Z takoj inicyjatyvaj, pavodle infarmacyi vydańnia, vystupiŭ śpiecpasłańnik Trampa pa Uschodniaj Jeŭropie Džon Koŭł.
«Realizacyja hetaha płana adkryła b dla ZŠA mahčymaść zaklučeńnia vyhadnych ździełak, jakija tyčacca rasijskaj nafty, dyzielnaha paliva, redkaziamielnych mietałaŭ i inšych vidaŭ syraviny. Akramia taho, vyzvaleńnie źniavolenych z humanitarnych mierkavańniaŭ mahło b umacavać pazicyi Trampa ŭ baraćbie za takuju žadanuju dla jaho Nobieleŭskuju premiju miru», — pisaŭ žurnalist The Atlantic Sajman Šuster.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary