Sprečnych kancertaŭ u bresckim kaściole, vidać, bolš nie budzie. Ich zabaraniajuć śvieckija ŭłady
Pavodle infarmacyi, jakuju atrymali katalickija vierniki Biełarusi, ułady Bresta vyrašyli zabaranić dalejšaje praviadzieńnie kancertaŭ Euphoria Night u kaściole Uzvyšeńnia Śviatoha Kryža, piša vydańnie Katolik.news. Jak paviedamlałasia raniej, hetyja kancerty vyklikali masavaje zachapleńnie, ale taksama sprečki i supiarečnaści siarod viernikaŭ.
Pavodle atrymanaj infarmacyi, kancerty Euphoria Night u kaściole stali pradmietam abmierkavańnia na naradzie, jakaja prajšła ŭ kancy vieraśnia z udziełam kiraŭnictva horada, ideołahaŭ, adździeła kultury. Pa vynikach pryniali rašeńnie, što hety prajekt bolš nie budzie vystupać u chramie.
Jak pieradali viernikam, takoje rašeńnie było pryniata ŭ tym liku pad upłyvam mierkavańnia… miascovaj pravasłaŭnaj jeparchii, dzie nibyta nie vitajuć praviadzieńnie masavych kancertaŭ pop-muzyki ŭ katalickim chramie.
Nijakaj aficyjnaj infarmacyi na hety kont pakul niama. Katalickaja dyjacezija i niepasredna parafija kaścioła (farmalna tolki tam mahli b i pavinny b byli prymać rašeńni) nijak nie kamientavała šou Euphoria Night u chramie, niahledziačy na šyrokuju dyskusiju siarod viernikaŭ, i ciapier taksama ničoha nie paviedamlaje pra mahčymuju zabaronu dalejšych kancertaŭ.
Prajekt Euphoria Night u svaich pablikach na hety momant nie anansuje novych vystupaŭ. Na pytańnie karystalnikaŭ pra toje, kali buduć novyja kancerty, hurt adkazaŭ 29 vieraśnia, što takoj infarmacyi pakul niama.
U Breście kaścioł pieratvaryli ŭ kancertnuju zału. Kvitki raskuplajuć za chviliny, ale vierniki nie ŭ zachapleńni
U Pružanskim kaściole novy arhan, jaki pryvieźli ź Niderłandaŭ. Papiaredni kaścielny arhan puścili na drovy dla Doma kultury
U Biarozie źbirajucca ŭdychnuć žyćcio ŭ były kartezijanski manastyr
Čatyry hady tamu zakryli Čyrvony kaścioł
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary