Jaho nie adkryjuć svoječasova. Adkryćcio pieranieśli na niekalki miesiacaŭ.
Z momantu vysialeńnia parafii śviatoha Symona i śviatoj Aleny z Čyrvonaha kaścioła ŭ Minsku 26 vieraśnia prajšło čatyry hady. Da čarhovaj hadaviny zakryćcia chrama vierniki daviedalisia, što rekanstrukcyja kaścioła nie zavieršycca ŭ studzieni 2027 hoda, jak heta płanavałasia, paviedamlaje katolik.life.
Ułaśnik chrama, dziaržpradpryjemstva «Minskaja spadčyna», taksama abiacaŭ, što asnoŭnyja raboty zavieršać da kanca 2026 hoda, a ŭ studzieni budynak uviaduć u ekspłuatacyju.
Ale ciapier vierniki zaŭvažyli, što na pašparcie abjekta źmianili datu. Terminam zakančeńnia budaŭnictva ŭžo značycca nie 31 studzienia, a 30 krasavika.
Ciapierašni probašč parafii nie ŭzhadaŭ u parafijalnych abjavach pra hadavinu zakryćcia chrama. Ale heta zrabiŭ eks-probašč ksiondz Uładzisłaŭ Zavalniuk i ŭ svaim videa raspavioŭ pra važnyja detali.
Śviatar paćvierdziŭ, što pažaru, jaki staŭ padstavaj dla vysialeńnia viernikaŭ z chrama, papiaredničała raźbitaje akno. Heta i šerah inšych detalaŭ mohuć abviarhać aficyjnuju viersiju ab uzharańni pravodki — ahoń moh być naŭmysna zaniesieny zvonku.
Darečy, vyniki rasśledavańnia ab uźniknieńni pažaru i raźbitym aknie tak i nie byli pradstaŭleny hramadskaści.
«Viernikaŭ vycisnuli z chrama», — skazaŭ eks-probašč.
Taksama jon raspavioŭ, što były pradstaŭnik Vatykana ŭ Biełarusi arcybiskup Ante Jozič pieradavaŭ z nuncyjatury dla parafii mini-elektrastancyju. Jaje vykarystoŭvali, kali ksiondz Uładzisłaŭ Zavalniuk i parafijanie viali malitoŭnaje dziažurstva ŭ plabanii, domie śviatara pobač z kaściołam. Jon byŭ adklučany ad elektryčnaści, aciapleńnia i vady.
Ale zatym karystacca mini-elektrastancyjaj zabaranili. Jak i «buržujkaj» paśla. Tak vierniki pieražyli dźvie zimy, a ŭ vyniku «z pasłuchmianaści šanoŭnamu Mitrapalitu arcybiskupu Juzafu [Stanieŭskamu]» probašč i parafijanie «adstupili ad kaścioła i plabanii».
Ciapier śviatar zaklikaŭ nie hublać nadzieju i praciahvać malicca ab chutčejšym zaviaršeńni rekanstrukcyi i viartańni viernikaŭ u chram.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt14
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary