Што праўда, пакуль на французскім участку маршруту.
Знакаміты горны масіў Манблан пакутуе ад росту колькасці турыстаў: уздоўж 169‑кіламетровага маршруту праз Францыю, Італію і Швейцарыю ўсё часцей застаюцца пакеты са смеццем і туалетная папера, турысты спраўляюць патрэбу на прыродзе, разбіваюць лагеры на прыватнай тэрыторыі і кормяць дзікіх жывёл, паведамляе Bild.
З наступнага лета французскія ўлады хочуць абавязаць турыстаў загадзя браніраваць афіцыйнае жыллё. Начоўкі па-за спецыяльна абсталяванымі месцамі будуць забароненыя. Пры гэтым афіцыйныя стаянкі абяцаюць забяспечыць вадой і туалетнай паперай, каб турыстам не даводзілася спраўляць патрэбу ў лесе.
Змены закрануць і багаж. Турыстам дазволяць карыстацца звычайнымі трэкінгавымі заплечнікамі, а перавозку валізак паміж стаянкамі на таксі абмяжуюць вызначанымі гадзінамі.
Мэр папулярнай сярод турыстаў камуны Сен-Жэрве Жан-Марк Пеекс падкрэслівае: закрываць доступ да Манблана не збіраюцца — мэта ў тым, каб абмежаваць наступствы масавага турызму.
Новыя правілы ўжо падтрымалі сем французскіх муніцыпалітэтаў. Аднак частка мэраў выступае супраць, паколькі турысты прыносяць рэгіёну значныя даходы. На італьянскім і швейцарскім баках Манблана пакуль не плануюць уводзіць аналагічныя абмежаванні.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары