Апошнюю на наступны інцыдэнт.
У ліпені 2025 года 37‑гадовы мужчына ў парку Перамогі арандаваў на суткі ў пункце пракату электрасамакат коштам 2 201 рубель. Аднак вяртаць транспартны сродак прадпрымальніку не меў намеру і здаў яго ў ламбард. Выручаныя грошы яны з сужыцелькай патрацілі на асабістыя патрэбы, пішуць Мінск-навіны.
Калі тэрмін арэнды скончыўся, работнік пракату звязаўся з кліентам. Той адказаў, што нібыта не паспявае вярнуць самакат, і папрасіў падоўжыць тэрмін яшчэ на двое сутак, на што прадпрымальнік вымушана пагадзіўся. Пасля гэтага аферыст перастаў выходзіць на сувязь.
Так і не дачакаўшыся вяртання маёмасці, індывідуальны прадпрымальнік звярнуўся з заявай у міліцыю. У дачыненні да зламысніка распачалі чарговую крымінальную справу.
У судовым пасяджэнні віну мужчына цалкам прызнаў.
— Абвінавачаны разведзены, нідзе афіцыйна не працаваў, раней 21 раз прыцягваўся да крымінальнай адказнасці, у тым ліку і за маёмасныя злачынствы, — пракаментаваў старшы пракурор па асаблівых даручэннях Дзмітрый Хаваўка.
Мужчыну асудзілі на тры гады і шэсць месяцаў, якія ён правядзе ў папраўчай калоніі ва ўмовах строгага рэжыму, а таксама прысудзілі штраф 1 050 рублёў. Акрамя таго, абвінавачаны павінен пакрыць шкоду, прычыненую злачынствам.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары