Фатографу, па якога ў 2020‑м прыязджаў узброены АМАП, прысудзілі калонію
Віктар Масько быў удзельнікам пратэсных аўтамаршаў у Мінску. Нядаўна яго асудзілі па крымінальным артыкуле і кінулі за краты.
Віктару Масько 41 год, ён мінчук. Ён скончыў факультэт інфармацыйных тэхналогій і кіравання БДУІР, аднак свой прафесійны шлях звязаў не з ІТ, а з фатаграфіяй.
Падчас падзей 2020 года, па матэрыялах СМІ, мужчына ўдзельнічаў у аўтамаршах. Атрымаў штраф — за тое, што адной рукой кіраваў аўтамабілем, а ў другой трымаў нацыянальны сцяг.
1 кастрычніка 2020 года раніцай у бацькоўскую кватэру з ператрусам прыйшлі супрацоўнікі крымінальнага вышуку — у пастанове было пазначана, што яны шукаюць выбухоўку і зброю. Каб вывесці фатографа з дому пасля ператрусу, сілавікі спецыяльна выклікалі падмацаванне ў выглядзе ўзброеных амапаўцаў, пасля чаго Віктара затрымалі. Невядома, што яму прысудзілі — арышт ці штраф.
Цяпер жа даныя пра Віктара з'явіліся ў абноўленых спісах «тэрарыстаў». Стала вядома, што нядаўна над ім адбыўся суд.
Масько прызналі вінаватым паводле артыкула 361 Крымінальнага кодэкса. Пераслед звязаны з тым, што сілавікі кваліфікуюць як «заклікі да шкоды нацыянальнай бяспецы».
Фатографу прысудзілі тэрмін у калоніі.
«Наша Нiва» — бастыён беларушчыны
ПАДТРЫМАЦЬЦяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары
как угроза непосредственно дупе Валета и
остальному ОПГ имени Валета Сипатага !
Чакаем на свабодзе.