Выйшаў альбом Людмілы Краўцовай, маці Івана Краўцова. Ён праляжаў на паліцы больш за 20 гадоў
Альбом «Дневной» быў гатовы ў 2002 годзе, але не выйшаў: тады КДБ арыштаваў бацьку сям'і, банкіра і прадзюсара Яўгена Краўцова.
На стрымінгавых платформах выйшаў альбом «Дневной» спявачкі Людмілы Краўцовай. Пра гэта паведаміў у фэйсбуку яе сын Іван Краўцоў, сакратар Каардынацыйнай рады (2020-2026).
Паводле яго слоў, альбом быў гатовы яшчэ ў 2002 годзе, але праз складаныя абставіны ў сям'і ў той час так і не дайшоў да слухача. Нядаўна сям'я знайшла арыгінальны эскіз вокладкі. Гэта каляровая раздрукоўка пачатку 2000-х, якую рабіў дызайнер Раберта Касануэва. Знаходка і стала падставай нарэшце выдаць альбом.
«Дневной» працягвае альбом «Ночной», які выйшаў у 2001 годзе. Па словах Краўцова, тэксты і некалькі песень напісаў Васіль Шугалей, першы прадзюсар «Ляпіса Трубяцкога» і «Запрещённых барабанщиков», якога ўжо няма ў жывых. З тэкстамі дапамагаў Сяргей Філімонаў, стваральнік перадачы «Відзьма-нявідзьма», які таксама памёр. Аранжыроўкі некалькіх песень зрабіў Павел Кузін, бубнач «Браво». Да працы далучыўся і беларускі прадзюсар і кампазітар Максім Алейнікаў.
Бацька Івана, Яўген Краўцоў, быў старшынёй праўлення «МінскКомплексБанка». Апроч гэтага ён займаўся музыкай і кіно. Яўген Краўцоў прадзюсаваў першы альбом «Ляпіса Трубяцкога», меў музычную студыю. У 2002‑м яго арыштавалі — нібыта за растрату. Ён не прызнаў віну. Суд прысудзіў Яўгену Краўцову 8 гадоў калоніі. За кошт некалькіх амністый ён вызваліўся прыкладна праз 5,5 года. Пасля вызвалення Яўген Краўцоў пераехаў у Расію, у Серпухаў пад Масквой, дзе жыў з сям’ёй. Паводле слоў Івана, турма падарвала яго здароўе. Апошнія гады ён здымаў дакументальныя фільмы духоўнага зместу і выдаваў кнігі. Памёр у 2012 годзе ў Серпухаве пасля працяглай хваробы.
Маці Івана, Людміла Краўцова, спявачка. У 1990‑я па тэлебачанні круцілі яе кліпы «Салавей», «Срэбраны дождж», «Путнік», «Вясна». Пасля смерці мужа яна вярнулася ў Беларусь. З часам далучылася да музычнага гурта «Тымпан». Выгадавала пяцярых дзяцей.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары
«Братскому народу России» солистка Людмила Кравцова (Сергеева)
Відэа выдалена, ў інтэрнэце засталася копія.
"Брошусь я как Матросов и как солдат Родионов, как ополченец Павлов, брошусь с врагами в бой"
У гэты момант песні відэарад паказвае Арсена Паўлава "Матаролу", сумна вядомага па ДНР.
А Радыёнаў - ўдзельнік Першай Чачэнскай вайны. Ягоную смерць спрабавалі падаць як пакутніцкую, што не прайшло праверкі нават самой камісіі па кананізацыі РПЦ.
Астатні тэкст таксама цяжка слухаць: "Сколько нас? Миллионы..." пад маршы праваслаўных, з мітрапалітам Кірылам, імперскім сцягам і г.д.
Другі ў спісе кліп:
«Донбасс» проект Творческой группы «Тимпан» Исполняет композитор Владимир Казбанов
Людміла там толькі прысутнічае.
Сярод іншых відэа групы, ўжо без Людмілы, ёсць выкананні на фестывалі "Неба славян" у Севастопалі, ў час акупацыі і "Война", песня з праграмы "Черная дорога. Донбасс".