«Качанава — адказная». Лукашэнка загадаў пусціць трамвай з Наваполацка ў Полацк
Аляксандр Лукашэнка падтрымаў прапанову злучыць Полацк і Наваполацк трамвайнымі шляхамі. Ён даручыў пралічыць кошт праекта і вызначыць тэрміны яго рэалізацыі. Пра гэта палітык заявіў 23 кастрычніка падчас наведвання холдынга «Белкамунмаш» у Мінску.
З ініцыятывай міжгарадскога трамвайнага злучэння выступіла старшыня Савета Рэспублікі Наталля Качанава. Паводле яе слоў, трэба працягнуць трамвайныя рэйкі з Наваполацка да Полацка, каб жыхары маглі ездзіць паміж гарадамі, у тым ліку супрацоўнікі прадпрыемства «Нафтан».
Для рэалізацыі праекта спатрэбіцца пракласці яшчэ каля 10 кіламетраў трамвайных рэек.
«Добра, давайце злучаць. Гэта няшмат. Трэба запланаваць гэта і зрабіць, пакуль можна. Але дакладна вызначыць: вось такія тэрміны, вось гэта зрабіць. Качанава — адказная», — заявіў Лукашэнка.
Ён дадаў, што калі праект патрэбны, яго трэба рэалізаваць хутка, а неабходныя сродкі падлічыць.
Таксама Лукашэнка выказаўся за больш шырокае выкарыстанне трамваяў у сістэме грамадскага транспарту Беларусі. Цяпер трамвайнае злучэнне, яшчэ з савецкіх часоў, дзейнічае толькі ў чатырох гарадах краіны: Мінску, Віцебску, Мазыры і Наваполацку. Па словах Лукашэнкі, калі гэты від транспарту мае перспектывы, яго развіццё будуць паступова пашыраць.
Акрамя таго, ён згадаў пра неабходнасць наладзіць хуткае і зручнае транспартнае злучэнне паміж Мінскам і гарадамі-спадарожнікамі. Некаторыя з іх пакуль не маюць чыгуначнай сувязі са сталіцай. Для злучэння такіх населеных пунктаў таксама могуць выкарыстоўвацца трамваі.
Варта адзначыць, што пра патрэбу хуткаснага трамвая з Мінска, напрыклад, у горад-спадарожнік Лагойск гаворка вядзецца ўжо амаль два дзесяцігоддзі, у тым ліку і на ўзроўні Лукашэнкі, але ніякіх практычных вынікаў гэта пакуль ніколі не мела.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары