У Наваполацку збіраюцца падоўжыць трамвайную лінію. У Беларусі такога не рабілі ўжо чвэрць стагоддзя
У Наваполацку сур'ёзна сабраліся працягваць трамвайную лінію, піша Blizko.by, адзначаючы, што гэта можа стаць першым будаўніцтвам новых трамвайных шляхоў у краіне за апошнія 25 гадоў.
Наваполацкі гарвыканкам паведаміў жыхарам горада пра правядзенне грамадскага абмеркавання, на якое вынесена справаздача аб ацэнцы ўздзеяння на навакольнае асяроддзе праекта будаўніцтва, заўважыў наваполацкі сайт Gorod214.
На сайце гарвыканкама апублікаваная сама справаздача і прадстаўлена абгрунтаванне неабходнасці планаванай дзейнасці. Адзначаецца, што рэалізацыя інвестыцыйнага праекта накіраваная на развіццё трамвайнага руху ў Наваполацку.
Мэта праекта — палепшыць бяспеку і якасць пасажырскіх перавозак, а таксама вызначыць найбольш эканамічна мэтазгодны варыянт падаўжэння наяўных трамвайных шляхоў у горадзе.
Узводзіць трамвайную лінію ў Наваполацку плануюць дзвюма чэргамі. Праектам 1-й чаргі прадугледжаны працяг трамвайнай лініі ад наяўнай працягласцю арыенціровачна 3,7 км. Гэта ўчастак ад вуліцы Камсамольская па вуліцах Заводскі праезд і Маладзёжная да пасёлка Паліміраўскі з будаўніцтвам разваротнага кольца.
Разглядаюцца 2 варыянты падаўжэння трамвайнага шляху:
- уздоўж вуліцы Маладзёжнай трамвайнае палатно прадугледжана справа ад праезнай часткі па зялёнай лініі з пераносам тратуара.
- уздоўж вуліцы Маладзёжнай трамвайнае палатно прадугледжана па цэнтры праезнай часткі з уладкаваннем прыпыначных пунктаў на праезнай частцы.
Другая чарга падаўжэння прадстаўленая таксама ў двух варыянтах:
- Энергетыкаў і Нафтаперапрацоўшчыкаў ад прахадной завода ААТ «Нафтан» да прыпыначнага пункта трамвая «Падстанцыя».
- Нафтаперапрацоўшчыкаў, Мантажнікаў, Партызанскай, Прамысловай ад прыпыначнага пункта трамвая «Падстанцыя» да завода «Палімір».
Грамадскае абмеркаванне праводзіцца да 16 красавіка.
Наваполацк — адзін з чатырох гарадоў Беларусі (акрамя яго — Мінск, Віцебск і Мазыр), якія маюць трамвайную сістэму. Адзіны трамвайны маршрут звязвае горад з прамысловай зонай. Наяўны двухшляховы трамвайны шлях праходзіць на адасобленым палатне па цэнтры вуліцы Камсамольская.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары
а перенести трамвай на Молодежную, это удобно для всех, кроме жителей домов на первой линии. и уж совершенно точно не между проезжих частей...