Былому гендырэктару Гродзенскага мясакамбіната далі сем гадоў калоніі
Былога дырэктара Гродзенскага мясакамбіната Алега Іванова звольнілі з пасады дырэктара прадпрыемства і датэрмінова прыбралі з сенатараў у кастрычніку мінулага года.
Іванова абвінавацілі ў атрыманні хабараў у буйной і асабліва буйной сумах. Сцвярджалася, што з ліпеня 2019 да мая 2025 года ён атрымаў ад пяці кампаній грошы і крыптавалюту на агульную суму 1,8 мільёна рублёў.
Незаконныя ўзнагароджанні пералічваліся на рахункі і кашалькі яго дачкі, якая не ведала пра злачыннае паходжанне сродкаў. За гэта дырэктар забяспечваў закупку харчовых дабавак у патрэбных пастаўшчыкоў.
Цяпер стаў вядомы прысуд. Вярхоўны суд Беларусі даў былому дырэктару мясакамбіната сем гадоў пазбаўлення волі, а таксама штраф — 5000 базавых адзінак, ці 225 тысяч рублёў, паведаміла Генпракуратура.
Сказана, што Іваноў добраахвотна выплаціў злачынны прыбытак і выканаў іншыя абавязацельствы па дасудовай дамове аб супрацоўніцтве.
Былому сенатару таксама на пяць гадоў забаранілі займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі8
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары
Это 8 тыс. баксов в месяц? Святой человек можно сказать, на фоне российских коррупционеров