Два таварышы выпілі занадта шмат і памерлі на працягу адных сутак, паведамляе Дзяржаўны камітэт судовых экспертыз.

Спачатку ўначы ў міліцыю патэлефанаваў 50‑гадовы мужчына, які паведаміў, што знайшоў без прыкмет жыцця свайго таварыша, якога напярэдадні запрасіў у госці. Яны разам ужывалі алкаголь. У тыя ж суткі, ужо пасля абеду, у той жа кватэры суседка выявіла цела гаспадара.
Згодна з заключэннем эксперта, першы — 45‑гадовы мужчына — памёр у выніку вострага атручэння этылавым спіртам, што пацвярджаецца яго наяўнасцю ў крыві ў таксічнай канцэнтрацыі — 6,6 праміле.
Такая ж прычына смерці і ў гаспадара кватэры: таксічная канцэнтрацыя этанолу ў яго крыві склала 4,5 праміле.
Цяпер чытаюць
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»
Каментары