Улады абяцаюць кампенсацыю жыхарам з Жукоўскага, якіх заліло праз прарыў трубаправода
Вінаватымі ў здарэнні прызналі «Мінскія цеплавыя сеткі».
Фото: «Анлайнер»
Улады Кастрычніцкага раёна Мінска паабяцалі кампенсацыю жыхарам дамоў на вуліцы Жукоўскага, якія пацярпелі ад прарыву трубаправода.
У нядзелю з-пад зямлі пачаў біць магутны струмень вады. Ён даставаў да пятага паверха дома. Струменем у доме выбіла вокны, кватэры заліло вадой.
Камунальнікі ўжо абследавалі месца здарэння і склалі акты аб заліцці. Вінаватым бокам прызналі «Мінскія цеплавыя сеткі». У найбліжэйшы час арганізацыя мусіць скласці падрабязныя акты пра нанесеную шкоду.
Адміністрацыя абяцае, што ўсім пацярпелым будзе выплачаная матэрыяльная кампенсацыя паводле страхавога выпадку.
Каментары