Украінскія вайскоўцы заявілі, што ўпершыню ў гісторыі выкарысталі супраць расійскіх войскаў наземныя рабатызаваныя комплексы-камікадзэ. Пра гэта паведамілі ў Трэцім армейскім корпусе Узброеных сіл Украіны.
Як паведамляецца, робатаў да месца баявога прымянення дастаўлялі бамбардзіровачныя беспілотнікі. У рамках аперацыі «Вівальдзі» іх скінулі больш чым за 10 кіламетраў углыб тэрыторыі Данецкай вобласці, якая кантралюецца расійскімі падраздзяленнямі.
Як сцвярджаюць украінскія вайскоўцы, пасля высадкі робаты, абсталяваныя камерамі, самастойна перамяшчаліся па расійскіх пазіцыях, выяўлялі цэлі і атакавалі іх. У Трэцім армейскім корпусе назвалі такую тактыку новым этапам выкарыстання наземных робатаў.
Новую тактыку назвалі «Грыфон» — у гонар пазыўнога ўкраінскага вайскоўца Грыгорыя Бача, які лічыцца зніклым без вестак яшчэ з 2023 года.
Камандзір корпуса Андрэй Білецкі заявіў, што толькі на другой фазе аперацыі «Вівальдзі» было забіта больш за 800 расійскіх вайскоўцаў, а агульныя страты расійскіх войскаў, паводле яго ацэнкі, перавысілі 3000 чалавек. Ён таксама адзначыў, што падчас штурмавых дзеянняў перад пяхотай выкарыстоўваюцца беспілотнікі і наземныя рабатызаваныя комплексы.
Па словах Білецкага, за апошнія некалькі тыдняў украінскім войскам удалося вызваліць больш за 125 квадратных кіламетраў тэрыторыі. У раёне Лімана, на поўнач ад Славянска-Краматорскай «лініі крэпасцяў» у Данецкай вобласці, украінскія сілы заявілі пра вызваленне населеных пунктаў Сярэдняе, Дзярылава і Шандрыголава.
На Дзень незалежнасці Украіны ў Кіеве правялі парад вайсковых робатаў — на зямлі, ў вадзе і ў паветры ВІДЭА
На фронце ва Украіне выпрабавалі чалавекападобных робатаў
Украінскія дроны і робаты здольныя браць расіян у палон без прысутнасці людзей
ЗША перадалі Украіне двух гуманоідных робатаў, каб праверыць іх у баявых умовах
Цяпер чытаюць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары