Палітык апублікаваў падатковую дэкларацыю за 2025 год. Як вынікае з дакумента, ён атрымліваў каля $4400 за месяц чыстымі.
Іван Краўцоў, дэлегат Каардынацыйнай рады чацвёртага склікання і яе былы шматгадовы сакратар, паказаў сваю польскую падатковую дэкларацыю PIT-37 за 2025 год.
Ён апублікаваў яе ў фэйсбуку ў адказ на просьбу аднаго з каментатараў.
Паводле дэкларацыі, агульны даход Краўцова за год склаў каля $81 700 (306 656 злотых). У сярэднім гэта больш за $6800 (25 555 злотых) у месяц да выплаты падаткаў і ўзносаў.
Пасля ўтрымання падатку, сацыяльных і медычных узносаў, паводле падлікаў «Нашай Нівы», у яго заставалася ў сярэднім каля $4400 (16 400 злотых) у месяц.
Амаль увесь даход Краўцоў атрымаў па працоўнай дамове. Паводле інфармацыі ў яго профілі ў LinkedIn, у 2025 годзе ён працаваў на поўную стаўку ў IT-кампаніі EPAM Systems на пасадзе Manager, Data & Analytics Consulting. Сярод сваіх спецыялізацый ён называе штучны інтэлект, вялікія моўныя мадэлі, бізнес-аналітыку і міграцыю даных.
Даход падзяляўся на дзве асноўныя часткі. Звычайны заробак складаў каля $5400 (20 272 злотых) на месяц. Яшчэ каля $1400 (5199 злотых) у месяц выплачвалася як ганарар за перадачу аўтарскіх правоў. Такая схема распаўсюджаная ў польскім IT: на аўтарскую частку заробку можна прымяніць павышаныя выдаткі, і падатковая база памяншаецца.
Акрамя таго, у дэкларацыі пазначаныя яшчэ два дробныя даходы. Каля $240 (900 злотых) прыйшлі за асабіста выкананую працу. Яшчэ каля $27 (100 злотых) пазначаныя як «іншыя крыніцы». Хто выплаціў гэтыя грошы, з дэкларацыі не відаць.
Як вынікае з дэкларацыі, палітычная дзейнасць не прыносіць даходу Івану Краўцову.
Былы сакратар Каардынацыйнай рады працаваў у EPAM да чэрвеня 2026 года. З сакавіка 2026 года ён пазначаны як партнёр-заснавальнік праекта RESTE, а сярод навыкаў на гэтай пазіцыі названы дэвелапмент нерухомасці. Даходы ад новай дзейнасці трапяць толькі ў дэкларацыю за 2026 год.
Выйшаў альбом Людмілы Краўцовай, маці Івана Краўцова. Ён праляжаў на паліцы больш за 20 гадоў
Іван Краўцоў расказаў, як займеў праблемы пасля трапляння ў брытанскі санкцыйны спіс цёзкі-расіяніна
Краўцоў расчараваны, што беларусы забылі Калеснікаву. «А яна становіцца ледзь не тварам №1»
«Насамрэч каманда не заўсёды была сканцэнтравана на Бабарыку. Не ўсё сышлося на ім». Краўцоў выпісвае Бабарыку з «бабарыканцаў»?
Краўцоў: Я б не сказаў, што Бабарыка добра разумее палітычны кантэкст. А ўдзел у канферэнцыі «Новая Беларусь» — слабы ход
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты4
Каментары