Уладальнікі электрамабіляў пачнуць плаціць транспартныя падаткі нароўні з усімі
З 2027 года ўладальнікі электрамабіляў у Беларусі пачнуць плаціць транспартны падатак па стандартных стаўках. Пра гэта паведаміў міністр па падатках і зборах Дзмітрый Кійко.
Па словах міністра, ільгота на электрамабілі, якая дзейнічала з улікам экалагічнасці такога віду транспарту, скончылася ў 2026 годзе. Таму ў 2027‑м уладальнікі гэтых машын атрымаюць паведамленні аб неабходнасці выплаты транспартнага падатку.
Кійко патлумачыў, што транспартны падатак прызначаны для фінансавання выдаткаў на будаўніцтва і рамонт дарог. Паводле яго слоў, цяпер настаў час ураўнаваць абавязкі ўсіх аўтаўладальнікаў у фінансаванні гэтых дзяржаўных выдаткаў. Калі ў будучыні ўзнікне неабходнасць вырашаць экалагічныя задачы, падатковую сістэму могуць адаптаваць, каб улічваць адпаведныя прыярытэты.
У 2026 годзе транспартны падатак у Беларусі ўключылі ў склад адзінага маёмаснага плацяжу разам з падаткамі на нерухомасць і зямлю. Яго памер разлічваецца ў залежнасці ад масы аўтамабіля. З гэтага ж года аб'ектам падаткаабкладання сталі электрамабілі, забяспечаныя выключна электрычным рухавіком.
Паводле звестак Беларускай асацыяцыі развіцця электратранспарту, з пачатку 2026 года колькасць зарэгістраваных у краіне электрамабіляў і гібрыдаў вырасла на 44,4% і на 1 кастрычніка дасягнула 73,663 тысячы.
З іх каля 50 тысяч, або 68%, складалі электрамабілі, а яшчэ 23,6 тысячы, або 32%, — гібрыды. Паводле прагнозаў, да канца 2026 года колькасць электрамабіляў у Беларусі можа дасягнуць 75 тысяч.
У Мінску пачаліся продажы новага прэміяльнага электрычнага красовера
Колькі ў Беларусі налічваецца электрамабіляў?
Прадавец кітайскіх электрамабіляў, які будаваў маштабныя планы, абвясціў аб банкруцтве
У гэта складана паверыць, але некаторыя аўто ў Беларусі каштуюць нашмат танней, чым у Еўропе. Як такое магчыма?
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары