Украінскія дроны і робаты здольныя браць расіян у палон без прысутнасці людзей
Прэзідэнт Украіны Уладзімір Зяленскі павіншаваў з прафесійным святам супрацоўнікаў абаронна-прамысловага комплексу краіны і прывёў некаторыя цікавыя факты, якім гэты комплекс можа ганарыцца.
Па словах Зяленскага, абаронная прамысловасць Украіны ўжо дасягнула значных маштабаў і працягвае хутка развівацца. Краіна здольная вырабляць мільёны дронаў, вялікую колькасць боепрыпасаў, а таксама мае ўласныя дальнабойныя ракеты, якія ўжо не проста распрацоўваюцца, а выкарыстоўваюцца на практыцы.
Асобна адзначаецца вялікая далёкасць дзеяння ўкраінскіх дронаў — да 1750 кіламетраў. Падкрэсліваецца, што гэта робіцца не дзеля рэкордаў, а дзеля барацьбы з праціўнікам, і што такія магчымасці будуць яшчэ павялічвацца.
Таксама гаворыцца пра выкарыстанне наземных робатызаваных комплексаў (НРК).
«Будучыня ўжо на фронце, і яе стварае Украіна. Гэта нашы НРК. Упершыню ў гісторыі гэтай вайны варожая пазіцыя была ўзятая выключна беспілотнымі платформамі — НРК і дронамі. Акупанты здаліся ў палон, і гэтую аперацыю выканалі без удзелу пяхоты і без страт з нашага боку.
«Ратэль», «тэрміт», «ардал», «рысь», «змей», «пратэктар», «воля» і іншыя нашы НРК толькі за тры месяцы выканалі на фронце ўжо больш за 22 тысячы місій. Іншымі словамі, больш за 22 тысячы разоў было захавана жыццё — у найбольш небяспечныя зоны замест ваяра ішоў робат. Гэта пра высокія тэхналогіі на абароне найвышэйшай каштоўнасці — жыцця чалавека», — падкрэсліў Уладзімір Зяленскі.
Таксама ён адзначыў, што Украіна мае вопыт у гарантаванні бяспекі ў Чорным моры. Гэты досвед унікальны, бо ўкраінцы адначасова змагаліся і з флотам, і з авіяўдарамі, і з мінамі. Адзначаецца, што ён можа быць карысным іншым краінам, калі будзе прапанавана супрацоўніцтва.
Згадваюцца і марскія дроны, якія ўжо вядомыя і могуць стаць экспартнай прадукцыяй. Акрамя таго, падкрэсліваецца развіццё ўкраінскай артылерыі, вытворчасці снарадаў і бранятэхнікі, якія становяцца ўсё больш эфектыўнымі.
ЗША перадалі Украіне двух гуманоідных робатаў, каб праверыць іх у баявых умовах
Сакрэтная зброя. Як украінскі робат-кулямётчык стрымліваў расіян шэсць тыдняў
Мінабароны Украіны паказала новую мадыфікацыю ўкраінскай крылатай ракеты «Нептун». Зараз яна будзе біць на 1000 км
Залужны: Украіну ўратуе стварэнне кіберфізічнай сістэмы абароны, з апорай на робатаў
Каментары