У Магілёве кафэ дорыць школьнікам слодычы за добрыя адзнакі. Трэба толькі паказаць дзённік
Прынамсі пакуль акцыя бестэрміновая.
Магілёўскае кафэ Snack time, якое адкрылася гэтым летам па адрасе Грышына, 61, зладзіла акцыю для школьнікаў. Вучні, якія прынясуць дзённік з добрымі адзнакамі, атрымліваюць у падарунак цукеркі або іншыя слодычы.
«Цяпер у вашага школьніка ёсць дадатковы стымул старацца на ўроках. Усё проста: прыходзьце да нас, паказвайце дзённік з бягучымі поспехамі, і ваша дзіця атрымае заслужаны падарунак!» — гаворыцца ў апісанні акцыі ў інстаграм-акаунце ўстановы.
Таксама інфармацыя аб акцыі размешчана непасрэдна на касе кафэ.
Вучняў, ахвотных атрымаць салодкі падарунак за добрыя адзнакі, па ўсёй бачнасці хапае. У тым ліку праз тое, што побач з кавярняй знаходзіцца 25‑я школа.
Магілёўская блогерка выклала відэа з кавярні ў трэдсах — пад ім дзясяткі хвалебных каментароў.
«Малайцы і дзеці, і ўстанова. Класны стымул дзеткам добра вучыцца. І рэклама ўстанове», — напісала адна з жанчын.
«Самае добрае, што я бачыла», «Ідэя супер! Чаму я ўжо не школьнік?» — ацэньваюць іншыя.
«Прыкольна, але можа быць чужы дзённік», — звяртае ўвагу адзін з карыстальнікаў.
Хтосьці згадаў, што падобная акцыя была ў сталіцы. «У Мінску каля школы ёсць шаурмічная, і яны ў мінулым годзе за добрую адзнаку ў дзённіку давалі купон на 5 рублёў».
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
В Германии и Австрии, где я живу, тоже такие акции, и во многих заведениях