Прэм'ер Латвіі прапанаваў еўрапейцам адмовіцца ад аднаго куфля піва ў год дзеля Украіны
«Гэта адно піва — толькі выдаткі, а для Украіны гэта цана жыцця», — сказаў Андрыс Кулбергс.
Прэм'ер Латвіі Андрыс Кулбергс перад сустрэчай еўрапейскіх лідараў у Бруселі ў чацвер, 15 кастрычніка, прапанаваў еўрапейцам адмовіцца ад аднаго куфля піва ў год дзеля падтрымкі Украіны, піша Delfi.lv.
«Еўрапейцам трэба выпіваць на адно піва ў год менш. Мы можам сабе гэта дазволіць. Украіне гэтыя грошы патрэбныя цяпер. Гэта адно піва — толькі выдаткі, а для Украіны гэта цана жыцця. Калі мы п’ём менш, там ратуюць жыцці. Усё так проста», — заявіў Кулбергс замежным журналістам.
Брусельскі карэспандэнт The Economist назваў разлікі Кулбергса дзіўнымі.
Ён адзначыў, што калі б 450 мільёнаў жыхароў Еўрасаюза заплацілі па тры еўра за піва, агульная сума склала б 1,35 мільярда еўра — прыкладна 2% ад сумы, неабходнай Украіне.
«Магчыма, ён меў на ўвазе адно піва на тыдзень?» — выказаў здагадку журналіст The Economist.
Каментары
Перадайце хтосці гэтаму нягегліку: за кожным куфлем піва стаіць працоўнае месца, існаваннп цэлага ланцуга бізнэсаў, падаткі на падтрымку дактароў, настаўнікаў і ўтрымліванне такіх вось разумнікаў. Хай бы ён лепш лішні келіх нямецкага піва выпіў, каб Мерц мо якую зброю Ўкраіне паставіў. Усё роўна што з той Латвіі возмеш, апроч малоцячых языкоў?!