Ukrainskija drony i robaty zdolnyja brać rasijan u pałon biez prysutnaści ludziej
Prezident Ukrainy Uładzimir Zialenski pavinšavaŭ z prafiesijnym śviatam supracoŭnikaŭ abaronna-pramysłovaha kompleksu krainy i pryvioŭ niekatoryja cikavyja fakty, jakim hety kompleks moža hanarycca.
Pa słovach Zialenskaha, abaronnaja pramysłovaść Ukrainy ŭžo dasiahnuła značnych maštabaŭ i praciahvaje chutka raźvivacca. Kraina zdolnaja vyrablać miljony dronaŭ, vialikuju kolkaść bojeprypasaŭ, a taksama maje ŭłasnyja dalnabojnyja rakiety, jakija ŭžo nie prosta raspracoŭvajucca, a vykarystoŭvajucca na praktycy.
Asobna adznačajecca vialikaja dalokaść dziejańnia ŭkrainskich dronaŭ — da 1750 kiłamietraŭ. Padkreślivajecca, što heta robicca nie dziela rekordaŭ, a dziela baraćby z praciŭnikam, i što takija mahčymaści buduć jašče pavialičvacca.
Taksama havorycca pra vykarystańnie naziemnych robatyzavanych kompleksaŭ (NRK).
«Budučynia ŭžo na froncie, i jaje stvaraje Ukraina. Heta našy NRK. Upieršyniu ŭ historyi hetaj vajny varožaja pazicyja była ŭziataja vyklučna bieśpiłotnymi płatformami — NRK i dronami. Akupanty zdalisia ŭ pałon, i hetuju apieracyju vykanali biez udziełu piachoty i biez strat z našaha boku.
«Ratel», «termit», «ardał», «ryś», «źmiej», «pratektar», «vola» i inšyja našy NRK tolki za try miesiacy vykanali na froncie ŭžo bolš za 22 tysiačy misij. Inšymi słovami, bolš za 22 tysiačy razoŭ było zachavana žyćcio — u najbolš niebiaśpiečnyja zony zamiest vajara išoŭ robat. Heta pra vysokija technałohii na abaronie najvyšejšaj kaštoŭnaści — žyćcia čałavieka», — padkreśliŭ Uładzimir Zialenski.
Taksama jon adznačyŭ, što Ukraina maje vopyt u harantavańni biaśpieki ŭ Čornym mory. Hety dośvied unikalny, bo ŭkraincy adnačasova zmahalisia i z fłotam, i z avijaŭdarami, i ź minami. Adznačajecca, što jon moža być karysnym inšym krainam, kali budzie prapanavana supracoŭnictva.
Zhadvajucca i marskija drony, jakija ŭžo viadomyja i mohuć stać ekspartnaj pradukcyjaj. Akramia taho, padkreślivajecca raźvićcio ŭkrainskaj artyleryi, vytvorčaści snaradaŭ i braniatechniki, jakija stanoviacca ŭsio bolš efiektyŭnymi.
ZŠA pieradali Ukrainie dvuch humanoidnych robataŭ, kab pravieryć ich u bajavych umovach
Sakretnaja zbroja. Jak ukrainski robat-kulamiotčyk strymlivaŭ rasijan šeść tydniaŭ
Minabarony Ukrainy pakazała novuju madyfikacyju ŭkrainskaj kryłataj rakiety «Nieptun». Zaraz jana budzie bić na 1000 km
Załužny: Ukrainu ŭratuje stvareńnie kibierfizičnaj sistemy abarony, z aporaj na robataŭ
Kamientary