U Varšavie biełarus admoviŭsia płacić za taksi i pahražaŭ kiroŭcu. Jaho departujuć
Padčas svarki biełarus, jak śćviardžaje palicyja, pahražaŭ taksistu zabojstvam.
U Varšavie zatrymali 46‑hadovaha biełarusa, jaki paśla pajezdki na taksi admoviŭsia płacić za prajezd, a zatym, pavodle źviestak palicyi, pahražaŭ kiroŭcu i paškodziŭ aŭtamabil. Vyśvietliłasia, što raniej mužčynu ŭžo abaviazali pakinuć Polšču. Paśla zatrymańnia jaho pieradali Pamiežnaj słužbie, paviedamlaje Most.
Incydent adbyŭsia na vulicy Sasnkoŭskaha ŭ rajonie Ursus. Pavodle papiarednich źviestak palicyi, paśla prybyćcia na ŭkazany adras pasažyr admoviŭsia płacić za pajezdku. Pamiž im i kiroŭcam uźnik kanflikt. Padčas svarki biełarus, jak śćviardžaje palicyja, pahražaŭ taksistu zabojstvam.
Palicyja paviedamlaje, što kiroŭca ŭspryniaŭ pahrozy surjozna i aścierahaŭsia, što mužčyna moža ich vykanać.
Akramia taho, pasažyr, jak miarkujecca, udaryŭ nahoj u kryło aŭtamabila. Uładalnik taksi acaniŭ škodu prykładna na tysiaču złotych (230 jeŭra).
46‑hadovaha biełarusa zatrymali. Jamu vystavili abvinavačańni pavodle artykułaŭ Kryminalnaha kodeksa Polščy ab pahrozach i paškodžańni majomaści.
Padčas pravierki vyśvietliłasia, što raniej u dačynieńni da mužčyny ŭžo było vyniesiena rašeńnie, jakoje abaviazvała jaho pakinuć Polšču.
Paśla zatrymańnia biełarusa pieradali Pamiežnaj słužbie. Tam pavinny pravieści dalejšyja dziejańni, źviazanyja ź jaho vydvareńniem z krainy.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
Pryvitańnie majstru zahałoŭkaŭ z vydańnia Most
[Zredahavana]