Vynieśli prysud barmienu-biełarusu, jaki płanavaŭ padpał składa ŭ Polščy
Hramadzianin Biełarusi Vital S. atrymaŭ 3 hady i 6 miesiacaŭ pazbaŭleńnia voli za padrychtoŭku padpału składa ŭ polskim horadzie Chołm. Pavodle abvinavačańnia, jon dziejničaŭ pa zadańni zamiežnaj raźviedki, piša Most.
Akramia turemnaha źniavoleńnia, sud pryznačyŭ biełarusu štraf sumaj 1500 złotych (kala 390 dalaraŭ) i zabaraniŭ karystacca publičnymi pravami na praciahu dzieviaci hadoŭ. Siarod takich pravoŭ u Polščy mohuć być vybarčyja pravy, mahčymaść udzielničać u ažyćciaŭleńni pravasudździa i pracavać na peŭnych pasadach u dziaržaŭnych orhanach i ŭstanovach. Prysud pakul nie nabyŭ zakonnaj siły.
Jak paviedamlałasia raniej, mužčyna pracavaŭ barmienam u restaranie ŭ Lublinie. Pavodle polskich śpiecsłužbaŭ, jaho zavierbavali i pieradavali zadańni praz Telegram. Pa ich daručeńni jon pravioŭ raźviedku šmatpaviarchovaha składskoha kompleksu ŭ Chałmie, źniaŭ abjekt na videa i pieradaŭ zakazčyku padrychtavanyja materyjały. Za vykanańnie zadańnia biełarus atrymaŭ uznaharodu ŭ kryptavalucie.
Śledstva śćviardžała, što Vital S. raspracoŭvaŭ płan padpału składa, ale ažyćciavić jaho nie paśpieŭ. Supracoŭniki polskaha Ahienctva ŭnutranaj biaśpieki (ABW) zatrymali jaho 13 žniŭnia 2025 hoda. Z taho času jon znachodzicca pad vartaj. 27 lipienia 2026 hoda abvinavaŭčy akt pa jahonaj spravie pieradali ŭ sud.
Akramia spravy, źviazanaj z padrychtoŭkaj dyviersii abo špijanažam, mužčynu taksama abvinavacili ŭ zachoŭvańni narkatyčnych rečyvaŭ.
U Polščy zaharełasia stancyja Starlink, jakaja daje dostup da internetu va Ukrainie. Nie vyklučajuć dyviersii
Palaki pačali atrymlivać prapanovy pracy za 35 jeŭra za hadzinu. Tak ich mohuć vierbavać
U Polščy adbyŭsia pažar na zavodzie, jaki vyrablaje kamplektujučyja dla bieśpiłotnikaŭ. Praviarajecca viersija dyviersii
Toj samy masažyst raskazaŭ, navošta zdymaŭ hołych klijentak2
Kamientary