Uładalniki «Try cany» zapuskajuć u Biełarusi novuju handlovuju sietku ź biełaruskaj nazvaj
Uładalniki biełaruskaj sietki kram tavaraŭ dla doma «Try cany» płanujuć adkryć novuju handlovuju sietku pad nazvaj «Pobač». Jak vyśvietliła vydańnie Office Life, kampanija ŭžo raźmiaściła niekalki vakansij dla budučaj sietki.
«Pobač» budzie pracavać u farmacie minimarkietaŭ krokavaj dastupnaści. U kramach płanujuć pradavać haspadarčyja tavary, hatovuju ježu i pradukty štodzionnaha popytu.
Pavodle źviestak handlovaha rejestra, pieršaja krama novaj sietki pavinna adkrycca ŭ staličnym žyłym kompleksie «Minsk-Śviet» na vulicy Brackaj. U kancy žniŭnia 2026 hoda kampanija zarehistravała handlovy abjekt pad brendam «Pobač».
Sietku «Try cany» raźvivaje kampanija «Płej Chard». Na sajcie pošuku pracy jana raźmiaściła jak minimum dźvie vakansii dla «Pobač».
U pryvatnaści, kampanija šukaje zahadčyka handlovaha abjekta. Zarobak prapanujuć u pamiery ad 2300 da 2700 rubloŭ da vyličvańnia padatkaŭ. Taksama patrebny markietołah, ad jakoha čakajuć poŭnaha cykłu łakalnaha prasoŭvańnia, płanavańnia i praviadzieńnia markietynhavych mierapryjemstvaŭ dla troch kramaŭ sietki, pracy z markietynhavym biudžetam i sacyjalnymi sietkami. Zarobak na hetaj pasadzie nie paznačany.
«Try cany» źjaŭlajecca bujnym hulcom biełaruskaha roźničnaha rynku. Kramy sietki pracujuć u 156 haradach krainy, a ŭ handlovym rejestry za joj značycca bolš za 460 abjektaŭ.
Raniej paviedamlałasia, što ŭ červieni Ekanamičny sud Minska pryznaŭ niesapraŭdnaj ździełku ab pieradačy aktyvaŭ sietki na sumu amal 50 miljonaŭ rubloŭ pamiž kampanijami «FiksMarkiet» i «Płej Chard», jakija byli papiarednim i novym apieratarami handlovaj sietki.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary