«Čytajcie, zajzdroście. Ja — hramadzianin Rasii!» Ruskamirac Ahafonaŭ pachvaliŭsia novym pašpartam
Prarasijski aktyvist ščaśliva pierajnačyŭ Majakoŭskaha.
«Pašparcinu treba budzie zabrać paźniej, ale heta ŭžo farmalnaści. Siońnia a 10:04 ja staŭ hramadzianinam Rasiei. Usio prajšło chutka i navat niejak budzionna. Nazvali try proźviščy, my zajšli, ja ŭpisaŭ svaje danyja ŭ tekst prysiahi, začytaŭ jaje pierad akiencam słužačaha adździeła mihracyi, atrymaŭ ad jaho vinšavańnie z atrymańniem hramadzianstva. Usio. Muraški chvalavańnia. Uśviedamleńnie siabie ŭ novaj jakaści prynaležnaści da vialikaj krainy. Ja — ruski repatryjant. Nie tamu što prajšoŭ niejkuju jurydyčnuju praceduru repatryjacyi. A prosta tamu što viarnuŭsia na radzimu», — napisaŭ Arciom Ahafonaŭ.
Arciom Ahafonaŭ naradziŭsia ŭ 1976 hodzie ŭ Kazachstanie ŭ siamji vajskoŭcaŭ. Urešcie pierajechaŭ u Biełaruś, staŭ aktyvistam AHP. Adnak paśla zachopu Kryma rašuča padtrymaŭ rasijskuju ahresiju i abaznačyŭ vyraznyja antybiełaruskija pazicyi.
Paśla administratyŭnaha pieraśledu i krytyki z boku prapahandystaŭ nakštałt Ryhora Azaronka paličyŭ za lepšaje źjechać ź Biełarusi.
«Na žal, palityki ŭ Biełarusi skončylisia. Akramia adnaho. Zastalisia funkcyjaniery. Ludzi — funkcyi, ad pierastanoŭki miescaŭ jakich mała što źmienicca», — narakaŭ tady Ahafonaŭ.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary