«Jon vybraŭ mianie sam». U Homieli 19‑hadovaja dziaŭčyna źbiraje hrošy na ŭłasnaha kania
Vydańnie «Mocnyja naviny» spytała ŭ hamielčukoŭ, na što jany źbirajuć hrošy. Siarod historyj pra adpačynki, piensii i kanapy vyłučaŭsia raskaz 19‑hadovaj Daryi z Homiela, jakaja źbiraje 3,5 tysiačy rubloŭ na kuplu ŭłasnaha kania.
Hamialčanka ź dziacinstva zajmałasia konnym sportam, ale praź ciažkuju traŭmu kalena treniroŭki daviałosia kinuć, a ŭłasnuju žyviolinu pradać. Dva hady tamu Daryja, adnak, viarnułasia ŭ siadło i na mini-fiermie pad ahraharadkom Uryckaje sustreła svajho kania.
«Žarabiatka ź pieršaha pohladu vielmi palubiła i, možna skazać, pastaviła na nohi. Mały vyras z charaktaram i nikoha da siabie nie padpuskaje, akramia mianie. Ja zrazumieła — jon sam mianie vybraŭ! Kali pryjšoŭ čas raźvitvacca, a dakładniej pierajazdžać u horad na pracu, ja parazmaŭlała z haspadarom i damovilisia, što pakul jon mały, ale zabiaru jaho praz hod», — raskazała dziaŭčyna.
Haspadar pahadziŭsia pačakać: žarabia kaštuje 3,5 tysiačy rubloŭ, Daryi zastałosia sabrać usiaho tysiaču. Jak tolki ŭsia suma budzie ŭ kišeni, žarabia pierajedzie ŭ konnaspartyŭny kompleks na homielskaj vulicy Šyłava, dzie haspadynia płanuje asabista dahladać novaha siabra i treniravacca ź nim. Heta była mara dziacinstva.
Pakul ža dziaŭčyna naviedvaje ŭlubionca pa vychadnych i ŭ volny ad pracy čas. Daryja pracuje ŭ śfiery adukacyi ŭ Homieli.
Minčuka zaprasili źniacca ŭ kino. Ale cikavy režysioram byŭ zusim nie jon
Čamu ŭ Minsku ŭsio čaściej možna sustreć dzikich žyvioł?
Śpiecyjalisty patłumačyli, čamu dzikim koniam było tak miodam namazana na aŭtobusnym prypynku ŭ Vałožynskim rajonie
Zładziła dzień naradžeńnia dla darahoha sabaki maltypu, maryć pra ŭnukaŭ: jak ciapier žyvie Anžalika Ahurbaš
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary